Luka 19:5 - Tedim Bible

⁵ Zeisu in tua mun a tun’ ciangin ento a, “Zakkhias aw, a manlangin hong kum in. Tuni-in nangma innah kong taam ding hi,” a ci hi.

Tedim Bible Revision 2017

⁵ Jesu, tua mun a tun ciangin khuadak to-in ama kiangah, “Zakkhias aw, manlangin hong kum suk in. Na inn ah tu zan kong taam ding hi,” a ci hi.

Luka 19:5 Referans Kwoze

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Johan 1:48

Nathanael in, “Topa aw, bangci hong theih na hi hiam?” ci-in a dot ciangin Zeisu in, “Filip in nang hong sap ma-in Theikung nuai-ah na om lai takin ke’n kong mu hi,” ci-in a gen kik hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Ezekiel 16:6

“Tua ciangin na kiangah kong pai kha a, sisan naisan lak-a na kitomtom kong mu hi. Tua bangin na om lai takin na sih loh nadingin thu kong pia hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

Luka 19:2

Zakkhias kici mi khat a om hi. Amah in siahdongte’ ukpa ahih manin sum a hau hi.

Luka 19:4

A mai lam tai a, Zeisu en dingin theitheek kung khat tungah a kahto hi. Bang hang hiam i cih leh, tua lampi in Zeisu pai nading lam ahi hi.

Luka 19:6

Zakkhias kum mengmeng a, nuam mahmahin Topa a tungsak hi.