Luka 19:44 - Tedim Bible

⁴⁴ Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Tedim Bible Revision 2017

⁴⁴ Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

Luka 19:44 Referans Kwoze

Luka 21:6

Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

Luka 19:42

“Nang in tu lai taka nopsakna tawh kipawl nate thei lecin nang ading a pha ding hi. Tu-in ahih leh, na mittang pan a kiseel hi.

Luka 1:68

“Israel mipawl’ Topa Pasian in thupha ngah ta hen.

Mattiu 24:2

Zeisu in, “Hihte khempeuh mu hilo na hi uh hiam? Ke’n aman takpi kong cih-inah, a kiphelkhia loin suang khat tungah suang kiciang khat beek a om kei ding hi,” a ci hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Luka 1:78

Khuamial leh sihna lim sungah a tu mite tungah, khuavak hong tan’ nading ahi zongin, Nopna lampi ah eite hong kha ding ahi zongin,

Marka 13:2

Zeisu in, “Hih a lian mahmah innte na mu uh hiam? A kiphelkhia loin suang khat tungah suang kiciang khat beek a om kei ding hi,” a ci hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Late 137:9

Na taneute hong laksakin suangtumpi den’na-a hong neihsakpa in lungdamna ngah ta hen!

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 29:3

Na kimkotah hong umcih-in, tausangpite tawh kong um ding a, nangmah umcih nading dum ka bawl ding hi.

Jeremiah 11:23

Anathoth khua mite tungah siatna tungsak a, ka daantah hun ciangin a nungta lai kuamah a om nawn kei ding hi,” a ci hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.