Luka 19:41 - Tedim Bible

⁴¹ Zeisu in a naih ciangin khuapi mu-in kap a,

Tedim Bible Revision 2017

⁴¹ Jerusalem khua hong nai semsem a, a khuapi a muh ciangin Jesu in tamlawh a,

Luka 19:41 Referans Kwoze

Johan 11:35

Zeisu a kap hi.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Late 119:158

Thuman lo mite enin ka kih hi, bang hang hiam cih leh amaute in nangma thupiaknate zui lo uh hi.

Late 119:136

Mite in nangma thu zui lo ahih manin ka khitui hawk luan’in a luang hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Late 119:53

Nangma thu a nusia migilote hangin ka heh a suak hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

2 KUMPI NIHNATE 8:11

Tua ciangin amah a maizum dongin a etna mun mah en denin Hazael sal gega hi. Tua ciangin Pasian’ mipa kap hi.

Isaiah 22:4

Tua ahih ciangin keimah in, “Kei hong en kei un la, khitui tampi luangin nakpi-in hong kapsak un; ka mite tampi a sihna hangin keimah hehnem ding hong hanciam kei un,” ka ci hi.

Isaiah 28:21

Bang hang hiam cih leh a lamdang ama bawlna bawl ding leh a tumdang ama nasep sem dingin Perazim Mual tung a, a sep bangin Topa in hong sem ding a, Gibeon kuama a heh bangin amah hong heh ding hi.

Luka 19:42

“Nang in tu lai taka nopsakna tawh kipawl nate thei lecin nang ading a pha ding hi. Tu-in ahih leh, na mittang pan a kiseel hi.