Luka 19:26 - Tedim Bible

²⁶ ‘Ke’n kong cih-inah, a neite khempeuh a kipiak beh ding hi. A nei lote kiang pan a neihsa nangawn a kilakhia ding hi.

Tedim Bible Revision 2017

²⁶ A topa in, ‘Keʼn kong cih in ah, a nei sate tungah kipia thuah dinga, ahi zongin a nei lote tung panin them khat a neihsun nangawn kilaksak ding hi.

Luka 19:26 Referans Kwoze

2 JOHAN NIHNA 1:8

Note in na bawl uh nate mangthangsak loin, a kicing thaman na ngah nadingun na kikem un.

Luka 8:18

Tua ahih ciangin note in bangci na zak uh hiam, na kikeem un. Bang hang hiam na cih uh leh, a neite kipiak beh ding hi. A nei lote kiang pan a neihsa a upmawh nangawn kilakhia ding hi,” ci-in thu a hilh hi.

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

Marka 4:25

Bang hang hiam na cih uh leh, a neite a kipiak beh ding hi. A nei lote kiang pan a neihsa nangawn a kilakhia ding hi,” a ci hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.

1 SAMUEL MASA 15:28

Tua ciangin Samuel in ama kiangah, “Topa in Israelte kumpi gam nang tung panin tu ni-in bal khia-in nang sangin a hoihzaw na vengpa tungah pia khin hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.

Luka 16:3

Sumkempa in, ‘Tu-in ka topa in sumkep za panin hong kiasak zo ahih ciangin, bang ka ci hih ding hiam? Lo laih nading tha ka nei kei hi. Khutdawh ngen dingin ka maizum hi.

2 SAMUEL NIHNA 7:15

ahih hangin nangma ma-a ka hep khiat Saul tung panin ka lak bangin ama tung panin ka itna kip ka la khia kei ding hi.

Sawltak 1:20

Bang hang hiam na cih uh leh: “Ama omna mundai suak hen, Ama omna-ah kuamah teeng kei hen,” cih leh, “Ama za midang khat in ngah ta hen,” ci-in Late Lai Siangtho sungah a kigelh hi.

Late 109:8

Amah a khan’ tom hen la, midang khat in ama nasep za ngah ta hen!

Luka 19:25

Amaute in, ‘Topa aw, hihpa in dangka tawi sawm a nei zo hi,’ a ci uh hi.