Luka 19:21 - Tedim Bible

²¹ Nang mi haksa na hi hi. Na koih lohna pan na la hi; na vawh lohna-ah na at ahih maninah kong kihta hi,’ a ci hi.

Tedim Bible Revision 2017

²¹ Nang pen mi sit hak khat na hih manin kong kihta hi. Sum lam lopi-in sum deih pa na hi a, lokho lopi-in an la nuam pa na hi hi,’ a hong ci hi.

Luka 19:21 Referans Kwoze

Juda 1:15

Pasian’ thu a deih lo mi khempeuh in Pasian deih loh a bawlna uh na khempeuh akipan Pasian’ thu a deih loh uh mawhna a neite in, Topa tungah gensiatna kam khempeuh a kilangsak ding ahi zongin, Topa in a kisim zo lo misiangthote tawh hong paikhawm ding hi,” ci-in a genkhol hi.

1 JOHAN MASA 4:18

Itna in launa tawh kigawm thei lo hi. Launa in dantatna piangsak thei ahih ciangin, a kicing itna in launa a hawlkhia hi. A laupa in itna sungah a kicing nai kei hi.

Jeim 2:10

Bang hang hiam na cih uh leh, Thukham khempeuh a zuih hangin khatpeuh peuh a khial mi in, Thukham khempeuh a khial zo hi.

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

ROM (Romans) 8:7

Bang hang hiam na cih uh leh, ci leh sa lungsim in Pasian’ Thukham mang lo tham loin a mang zo lo ahih maninah Pasian tawh a kido hi.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi; ahi zongin Topa zuihna panin pial kei un la, na lungsim khempeuh uh tawh Topa’ na sem un;

Luka 19:20

Adang khat in va nai a, ‘Topa aw, en in. Ka dial ah tunin ka kepsa na sum tawi hiah a om hi.

Luka 19:22

A topa in, ‘Nasem gilopa aw, nangma kam sung panin thu kong khen ding hi. Keimah in mi haksa ka hi a, ka koih lohna pan ka lak leh ka vawh lohna-ah ka at hi ci-in na thei hi.