Luka 19:14 - Tedim Bible

¹⁴ A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Tedim Bible Revision 2017

¹⁴ Ahi zongin ama gam mite in hih ulian pa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Luka 19:14 Referans Kwoze

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Johan 15:18

“Leitung mite in no hong muhdah uh leh, note hong muhdah ma-in kei hong mudah uh hi ci-in na thei ta un.

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Luka 14:32

A zawh kei ding leh, adang kumpipa gamla-ah a om lai takin upa sawl a, gal kilem nading thu a ngen ding hi.

Luka 19:13

Amah in a nasemte sawm sam a, sum tawi sawm a pia hi. ‘Ka hong tun’ kik matengin summet na bawl un,’ ci-in thu a pia hi.

Luka 19:15

Hausapa in a gam a ngah khit ciangin hong ciahkik a, a sum a kepsak nasemte in sum bawlna pan a met bangzah a ngah uh hiam cih a theih nadingin tuate a samsak hi.

2 SAMUEL NIHNA 23:7

amaute a lawng mipa in sik leh teipi bul tawh kithawi a, amaute mei tawh kihaltum siang hi,” a ci hi.