Luka 18:37 - Tedim Bible

³⁷ Amaute in, “Nazareth mi Zeisu hong pai hi,” a ci uh hi.

Tedim Bible Revision 2017

³⁷ Mite in, “Nazareth khuami Jesu hong pai hi,” a na ci uh hi.

Luka 18:37 Referans Kwoze

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Sawltak 4:10

note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Johan 19:19

Pilat in laigelh a, singlamteh tungah a suang hi. Tua lai in, “JUDAHTE’ KUMPIPA, NAZARETH KHUAMI ZEISU AHI HI,” ci-in a kigelh hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

Luka 18:36

Tua mittawpa in mi tampi lam pai a zak ciangin, “Kuate ahi hiam?” ci-in a dong hi.

Luka 18:38

“David’ Tapa, Zeisu aw, hong hehpih in,” ci-in a kiko hi.