Luka 18:34 - Tedim Bible

³⁴ Amaute in hih thu khat beek a thei kei uh hi. Hih thu heem gen ahih ciangin a cihnopna a thei kei uh hi.

Tedim Bible Revision 2017

³⁴ Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Luka 18:34 Referans Kwoze

Luka 9:45

Amaute in tua thu a thei kei uh a, a theih loh nadingun a kiseel hi. A cihnopna zong amaute in a dong ngam kei uh hi.

Marka 9:32

A nungzuite in tua thu a theih loh uh hangin a dong kik ngam kei uh hi.

Johan 12:16

Tua thute a cilin a nungzuite in a theih loh uh hangin, Zeisu in minthan’na a ngah khit ciangin Topa thu tua bangin kigelh a, ama tungah tua bangin a bawl ding hi a cihna thu a phawk uh hi.

Johan 10:6

Tua thugentehna Zeisu in a hilh hangin, amaute in a khiatna a thei kei uh hi.

Luka 24:45

Tua lai takin Lai Siangtho a theih nadingun amaute lungsim a hon’sak hi.

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Luka 2:50

Amau kiangah a genna thu amaute in a thei kei uh hi.

Luka 18:33

Amaute in amah satgawpin, a that ding uh hi. Ni thum ni ciangin a thokik ding hi,” a ci hi.