Luka 18:32 - Tedim Bible

³² Bang hang hiam na cih uh leh, Gentailte khut tungah kipia ding a, zahkona, bawlsiatna leh cilphihna a thuak ding hi.

Tedim Bible Revision 2017

³² Pasian in Gentail miteʼ khut sungah amah ap dinga, amaute in zahpihin, simmawhin, cilphih ding uh hi.

Luka 18:32 Referans Kwoze

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

Marka 14:65

Tua lai takin kimkhatte in Zeisu cil tawh phih uh a, a maitang tuamin a khut uh tawh a tum uh hi. “Pasian’ kamsangte bangin hong hilh in,” a ci uh hi. Palikte in khut tawh pang betin a paipih uh hi.

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Johan 18:35

Pilat in, “Judah mi na hi hiam? Nangma mipawlte leh siampi liante in nang kei khut sungah hong pia uh hi. Nang in bang hih khial na hi hiam?” ci-in a dot ciangin,

Johan 18:30

Amaute in, “Hih pa migilo hi kei leh, nang kiangah kong pia kei ding uh hi,” a ci uh hi.

Johan 18:22

Tua bangin a dawn’ ciangin, a kianga ding nasemte khat in, “Tua bangin siampi ukpa na dawngkik hiam?” ci-in a khut tawh Zeisu a beeng hi.

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.

Luka 23:1

Tua lai takin a kikhawm mi khempeuhte ding-in Zeisu Pilat mangpa kiangah a paipih uh hi.

Mattiu 27:2

khau tawh a hen khit uh ciangin Pilat mangpa kiangah a paipih uh hi.

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.

Marka 15:1

A zingsang ciangin siampite in thakhatin upate, laitheite leh vaihawmte khempeuh tawh a vaihawm uh a, Zeisu khau tawh a hen khit uh ciangin paipihin, Pilat Mangpa tungah a pia uh hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 22:6

A om laite in a nasemte manin, bawlsia-in a that uh hi.

Luka 18:33

Amaute in amah satgawpin, a that ding uh hi. Ni thum ni ciangin a thokik ding hi,” a ci hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.