Luka 18:30 - Tedim Bible

³⁰ tu lai takin a zah tampi ngah a, a hong piang ding hunah tawntung nuntakna a ngah lo ding kuamah a om kei hi,” a ci hi.

Tedim Bible Revision 2017

³⁰ tuhunin a zah tampi le hong tung ding hunah nuntak tawntungna a ngah lo ding kuamah om lo hi,” a ci hi.

Luka 18:30 Referans Kwoze

JOB (Job) 42:10

Job in a lawm thumte’ ading thu a ngetsak khit ciangin, Topa in Job citheisak kik a, ni danga a neih ngei zah nihin neihsa lamsa guan hi.

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Mattiu 12:32

Mihing Tapa a gensiate, a mawhna kimaisak thei ding hi. Kha Siangtho a gensiate’ mawhna ahih leh, tu khang laitak ahi zongin, tu nung khang ahi zongin kimaisak zo lo ding hi.”

1 TIMOTI MASA 6:6

Lungkimin Pasian biakna lamah nopsakna in hauhna lianpi a piangsak thei hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Late 119:162

Van-kinusia tampi a ngahpa bangin, na thuciamna-ah ka lung a dam hi.

Late 119:127

Tua ahih ciangin khamte, kham hoihte sangin nangma thupiakna ke’n ka deihzaw hi.

Late 119:111

Nangma biakna ngeina kipte in tawntung keima luah ahi hi; hi hi, tuate in keima lungdamna ahi hi.

Late 119:103

Nangma thute khum mahmah a, khuaizu sangin ka kam-ah khumzaw hi.

Late 119:72

Nangma kam sung pan-a thu in kham leh ngun tul tampite sangin kei adingin hoihzaw hi.

Late 37:16

Migilote’ hauhna sangin thuman mite’ tawmno khat neih hoihzaw hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.