Luka 18:24 - Tedim Bible

²⁴ Zeisu in tua pa a et lai takin, “Sum tam neite adingin Pasian’ Gam sung lut nading a haksa mahmah hi.

Tedim Bible Revision 2017

²⁴ Jesu in ama dahna a muh ciangin, “Pasianʼ Ukna sungah mihaute a lut ding bangzah takin haksa ahi hiam?

Luka 18:24 Referans Kwoze

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Paunak 11:28

Tuk lai-a singteh tam bangin midikte’ hauhna khang ding a, phabi lai-a singteh pulh bangin hauhna suangte kiam ding hi.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Marka 6:26

Kumpipa a dah mahmah hangin, a kiciam zawhna leh sabuai ah a tut khawmpihte a zahtak manin numeino a nial nuam kei hi.

Jeremiah 5:5

Mi liante’a kiangah pai-in, ka va kiho ding uh hi; amaute in Topa’ lampi a thei uh a, amau’ Pasian’ deihna a thei uh hi,” ci-in ka ngaihsun hi. Ahih hangin a vekpi-in ka ukna hong nial khin uh a, ka hakkol kuaitan-in ka henna khaute a sutat khin zo uh hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Paunak 18:11

Khuapi kim-a kulhpi in amah a hut bangin, a hauhna in amah a hu dingin mihaupa in ngaihsun kha hi.

Luka 18:23

Hausapa in tua thu a zak ciangin, nakpi-in a lungkim kei hi. Bang hang hiam i cih leh, sum a hau hi.