Luka 18:13 - Tedim Bible

¹³ Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Tedim Bible Revision 2017

¹³ Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 18:13 Referans Kwoze

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

1 TIMOTI MASA 1:15

Zeisu Khazih in mawhneite gum dingin leitungah hong paisuk hi, a cihna thu in thuman thutak hi a, a vekpi-in san’ ding a kilawm hi. Tua mawhnei mite lakah keimah in a mawhnei bel mi ka hi hi.

Late 41:4

Ke’n ahih leh, “Topa aw, kei hong hehpih in; keimah hong damsak in, bang hang hiam cih leh nang tungah kong khial zo hi!” ka ci hi.

Luka 23:48

Tua thu en dinga hong pai mihonpi khempeuhte in, tua thu piangte a muh uh ciangin awm beengin a ciah uh hi.

Hebru 8:12

Bang hang hiam na cih uh leh, keimah in amaute mawhnate ka thuak ding hi. Amau mawhnate ka ciamteh kei ding hi, ci-in Topa in thu a pia hi,” a ci hi.

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

ROM (Romans) 5:8

eite in mawh nei i hih lai takin Khazih in eite tang ding si ahih ciangin Pasian in eite hong itna hong kilangsak hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Late 25:11

Topa aw, ka mawhna lian ahih manin, nangma min hangin keima mawhna hong maisak in.

JOB (Job) 42:6

Tua ahih ciangin ka paunasate khempeuh hangin ka maizum a, tu-in vut leh vai khu-in nakpi takin ka kisik hi,” a ci hi.

2 KORIN NIHNA 7:11

Pasian’ deihna tawh kituak note dahna in note sungah bang ci bang phawkna, bang ci bang mawh kiphelna, bang ci bang hehna, bang ci bang launa, bang ci bang lunggulhna, bang ci bang deihna lungsim, bang ci bang thuman tawh daan piak thu-a bawlphatna ci-in en ta un. Note in hih thu sung pan mawhsakna tawh na kipelh uh hi ci-in na khempeuh hangin na lak zo uh hi.

Late 25:7

Topa aw, ka khangno lai-a ka mawhna leh ka khialhnate ciamteh kei in la, na hoihna na ngaihsutna leh na itna kip tawh kizui-in kei hong phawk in!

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Luka 17:12

Khua khat sungah a lut lai takin miphak sawm in amah dawn uh a, a gamla pan ding-in,

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

Late 130:7

Israel aw, Topa muang in! Bang hang hiam cih leh Topa itna kip tawntung a, amah in hong honkhia nuam tawntung hi.

Late 119:41

Topa aw, na ciamna bangin na itna kip, na hotkhiatna keima tungah hong tung sak in;

Late 106:6

Ka pate uh leh kote ka khial khin uh hi; mawhna ka bawl khin uh a, ka gitloh gamtat khin uh hi.

Late 40:12

Bang hang hiam cih leh a mal-a sim zawh loh ding siatna tampi in kei hong umcih hi; khua hong mu thei losak zah dongin ka mawhnate in kei hong pha khin hi, amaute ka lu tunga ka sammal sangin tamzaw uh hi; ka lung in a lel hi.

2 KHANG TANGTHU NIHNATE 33:23

A pa Manasseh a kiniamkhiat bangin Topa mai-ah amah kiniamkhiat lo a, hih Amon in mawhna tam piangsak semsem hi.

2 KHANG TANGTHU NIHNATE 33:19

Tua ciangin ama thungetna, leh ama kutna Pasian in a san’na, leh ama khialhna leh a cihtaklohna khempeuh, leh amah a kiniamkhiat ma-in mual dawn a, biak piaknate bawlin Asherahte leh milimte a koihna munte, en in, Thu-mu-te’ Khang Tangthu sungah kigelh hi.

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Mattiu 10:3

Filip leh Bartholomai, Thomas leh siahdong Mattiu, Alfe-as’ tapa Jakob leh Thaddeas,

Marka 11:25

Note ding-in thu na nget uh ciangin, midang peuhmah tungah lungkim lohna na neih uh leh;

Luka 22:41

a nungzuite tawh suang lot khat tan bang kikhen a,

Paikhiatna 33:10

Mi khempeuhte in a puanbuk kongkhak ah meii khuam a ding a muh ciangin a milip-in a puanbuk kongkhak ah mi khempeuh ding to-in bia uh hi.