Luka 18:12 - Tedim Bible

¹² Keimah in ni sagih lakah ni nih an ka tang hi. Ka neih ka lam khempeuh sung pan sehsawm suah sehkhat ka khia hi,’ ci-in kisialin thu a ngen hi.

Tedim Bible Revision 2017

¹² Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

Luka 18:12 Referans Kwoze

Luka 11:42

“Farisaite aw, note in gimna na thuak ding uh hi. Bang hang hiam na cih uh leh, leengmasel leh anis leh meh namkim sehsawm suah sehkhat na piak uh hangin, aman thukhenna leh Pasian itna na nusia uh hi. Adangte tang lo tuan loin, hihte zong tan’ ding kilawm hi.

Mattiu 9:14

Tua khit ciangin Johan’ nungzuite in Zeisu kiangah va pai uh a, “Ko leh Farisaite in an nek ka tang zeel uh hi. Bang dinga na nungzuite in an nek tang lo ahi uh hiam?” a cih uh ciangin

Luka 17:10

Tuamah bangin note in zong thu khempeuh hong piak bang na hih khit uh ciangin, ‘Kote in a pha bawl lo nasemte ka hi uh hi. Nasemte ka hih uh ciangin a kituak bek ka hih zo uh hi,’ na ci ding uh hi,” ci-in a gen hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Mattiu 6:1

“Mi mai-ah kisialin, gamtatna a pha mite muh dingin na bawl loh nadingun na kikem un. A hih kei leh vantungah a om na Pa uh kiangah nopna na ngah kei ding uh hi.”

Malakhi 3:8

Keimah in note kong dot nop thu in, mi khatpeuh in Pasian’ na a guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah khat piakna leh biak piaknate ah nong guksak uh hi.

Efesa 2:9

Kuamah in a kisaktheih loh nadingin note’ gamtat pha hangin gupna na ngah kei uh hi.

Galati 1:14

ka pu ka pate’ khut tung pan ka ngah ngeina siamin ka zuih zawk thu ahi zongin note in na thei uh hi.

1 KORIN MASA 1:29

Tua ahih ciangin Pasian mai-ah kuamah a kisathei ding a om kei hi.

ROM (Romans) 3:27

Tua ahih ciangin kisaktheih nading koi-ah a om hiam na cih uh leh, a kipaaikhia zo hi. Bang thu tawh kipaai hiam? Gamtatna tawh kipaaikhia ahi hiam? Hi lo hi! Thu-upna tawh kipaaikhia hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

2 KUMPI NIHNATE 10:16

Tua ciangin amah in, “Kei tawh hong pai in la, Topa ading ka deih luatna hong thei in,” a ci hi. Tua ahih ciangin amah in a leeng sungah amah tuang sak hi.

1 SAMUEL MASA 15:13

Tua ciangin Saul kiangah Samuel hong pai a, Saul in ama kiangah, “Topa’ thupha na tungah hong tung hen; Topa’ thupiakna ka sem khin hi,” a ci hi.

Gamlak-vakna 23:4

Pasian in Balaam na dawn hi; Balaam in ama kiangah, “Biakna tau sagih ka bawl khin a, baikna tau simah bawngtal khat leh tuutal khat ciat ka pia hi,” a ci hi.

Gamlak-vakna 18:24

Bang hang hiam cih leh amaute in biakna-in Topa tungah a piak uh Israel mite’ sehsawm suah sehkhat pen Levi mite tungah luah dingin ka pia khin hi; tua ahih ciangin Israel mite lakah amaute in luah a neih loh ding uh ka gensa ahi hi,” a ci hi.

Mattiu 5:20

Note’ gamtatnate in laitheite leh Farisaite’ gamtatnate sangin a phat zawk kei leh, Vantung Gamah na tung zo peuhmah kei ding uh hi.”