Luka 18:1 - Tedim Bible

¹ Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Tedim Bible Revision 2017

¹ Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Luka 18:1 Referans Kwoze

Kolose 4:2

Thungen tawntung un la, hong hehpihna phatin ngak un.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

1 THESALONIKA MASA 5:17

Thungen niloh un.

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, ke’n zong kong dawng ding hi.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Late 86:3

Nangmah in ka Pasian na hi hi, Topa aw, sun tawntung nang tungah hong kiko ka hih ciangin kei hong hehpih in.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Jonah 2:7

Kei ka lung a kiat ciangin, Topa ka phawk a; ka thungetna, na biakinn siangtho sung, nangma kiang hong tung hi.

Late 65:2

Nangmah in thungetna a za-pa na hi hi! Mawhna thu hangin nangma kiangah mi khempeuh hong pai ding uh hi.

Late 27:13

A hingte gam sungah Topa’ hoihna mu dingin ka ki-um hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

1 SAMUEL MASA 1:12

Topa mai-ah thungenin a om lai takin Eli in tua nu’ kam na en hi.

Luka 11:10

Bang hang hiam na cih uh leh, a ngente khempeuh in a ngah ding uh hi. A zongte khempeuh in a mu ding uh hi. A kiute khempeuh ading kongkhak a hon’ ding hi.