Luka 17:30 - Tedim Bible

³⁰ Mihing Tapa a kilat ni ciangin tua tawh kibangin a piang ding hi.

Tedim Bible Revision 2017

³⁰ Mihing Tapa hong kilat ni ciangin zong tua mah tawh hong kibang ding hi.

Luka 17:30 Referans Kwoze

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

1 KORIN MASA 1:7

Tua ahih ciangin note in i Topa Zeisu Khazih hong kilat ding ngakin na om lai takun hong piakna thupha khat beek na sam kei uh hi.

1 PETER MASA 1:13

Tua ahih ciangin lungsim kawnggak gakin om un la, khuaval zulhtat loin Zeisu Khazih a kilat ciangin note kiangah hong tung ding hehpihna thupha lamen khin takpi-in om un.

Luka 21:27

Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

Marka 13:26

Tua lai takin, vangliatna leh minthan’na tawh Mihing Tapa meii tungah hong kumsuk a mu ding uh hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 24:39

Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Mattiu 24:37

Noah khan’ lai bangin Mihing Tapa hong kum ciangin hong piang ding hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Luka 17:24

Bang hang hiam na cih uh leh, khuaphialep in van mongkhat panin phia a, van mongkhat dongin a taan’ mah bangin, Mihing Tapa’ ni ciangin a hong tung ding hi.

Luka 17:29

Ahih hangin Lot in Sodom khua sung pan a taikhiat ni-in, vantung panin mei leh kat guah bangin hong zu a, amaute khempeuh kang gawp hi.

1 KORIN MASA 1:8

Tua Topa in eite Topa Zeisu Khazih’ Ni-inah mawhsak nading tawh na kipelh nadingun a tawp dongin no hong kipsak ding hi.

Kolose 3:4

Eite nuntakna ahi Khazih hong kilat ciangin, note in zong tua Topa tawh minthang khawmin na kilang ding uh hi.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.