Luka 17:27 - Tedim Bible

²⁷ Noah in teembaw sungah a lut ni dongin mite in an ne tui dawnin, kipi kiteengsakin a om uh a, tuiciin a tun’ ciangin amaute khempeuh kisia uh hi.

Tedim Bible Revision 2017

²⁷ Teembaw sungah Noah lutin Tuiciin in mi khempeuh a sihsak ni ciang dongin tua huna mite in anne zune-in om uh a, mo kipi mo kikha-in a om uh hi.

Luka 17:27 Referans Kwoze

Isaiah 21:4

Ka lung vai a, kihtakna in hong si daang sak hi; keima lunggulh zan khuamial pen keima liin’na a suak hi.

Piancilna 7:7

Tuiciin pelh dingin Noah, a tapate, a zi leh a tapate’ zite teembaw sungah pai uh hi.

Piancilna 7:23

Mihing, ganhing, a bokvakte leh huih lak vasate, lei maitang tunga om nuntakna a nei peuhmah amah in phiatkhia hi; leitung panin amaute kiphiatkhia hi. Noah leh amah tawh teembaw sunga a om teng bek suakta hi.

1 SAMUEL MASA 30:16

Tua ciangin amah in a paipih suk ciangin, en in, Filistiate gam leh Judah gam panin a lak uh na tampite hangin amaute gam sung khempeuh ah kithehthangin an ne, tui dawn, laamin om uh hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Mattiu 22:30

Thawhkik ni ciangin kipina, kiteen’na om lo ding hi. Amaute in vantungmite tawh kibang ding uh hi.

Luka 17:26

Noah khan’ lai bangin Mihing Tapa’ ni ciangin zong a hong piang ding hi.

Luka 17:28

Tua mah bangin, Lot a khan’ lai takin amaute in an ne tui dawn, sum lei sum zuak, an tuh inn lamin a om uh hi.