Luka 17:2 - Tedim Bible

² Hih naupangte khatpeuh a puksakpa in a ngawngah an-gawina suang khihin tuipi thuk sungah tumcip leh, ama ading a hoih zaw ding hi.

Tedim Bible Revision 2017

² Hih naupang no khat a khialh nading a piansak sangin a ngawng ah an gawina suang lianpi khat khihin tuipi sungah kikhia leh ama adingin hoih zaw thampek ding hi.

Luka 17:2 Referans Kwoze

Marka 9:42

“Kei hong um hih naupang khat a puksak mi peuhmah in a ngawngah an-gawina suang lian khat khihin tuipi sungah kikhia leh, ama ading a hoihzaw ding hi.

Mattiu 18:14

Tua mah bangin vantungah a om na Pa un, tua naupangte khat a kisiat nading a ut kei hi.”

Mattiu 18:10

“Note in hih naupangte khatpeuh mah na simmawh loh nadingun na kikeem un.

1 KORIN MASA 9:22

Thazawngte ka ngah nadingin thazawngte ading thazawng bang ka hi hi. Mi kimkhat lam khatpeuh mah tawh ka gupkhiat theih nadingin mi khempeuh ading na khempeuh ka suak hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

1 KORIN MASA 9:15

Ahih hangin ka zat theih nate ka zang kei hi. Note in kei tungah tua bang nong bawl nadingun hih lai ka gelh kei hi. Bang hang hiam na cih uh leh, ka kisaktheihna mikhat in hong sukgawp sangin si leng a phazaw tham hi.

Johan 21:15

Tua ahih ciangin an a nek khit uh ciangin Zeisu in, “Johan’ tapa Simon aw, hih mite in kei hong it sangin nang hong itzaw na hi hiam?” ci-in Simon Piter a dong hi. Piter in, “Ahi hi, Topa aw, nang kong it na thei hi,” a cih ciangin, “Ka tuunote na vak in,” ci-in thu a pia hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Mattiu 17:27

Ahih hangin, tua mite in eite’ hangin a puk loh nadingun, tuili-ah pai in la, nga thang va siah in. Nga na mat masak la in la, a kam na phen ciangin peekkhat na mu ding hi. Tua dangka la in la, kei ading leh nang adingin siahdongte na pia in,” a ci hi.