Luka 17:12 - Tedim Bible

¹² Khua khat sungah a lut lai takin miphak sawm in amah dawn uh a, a gamla pan ding-in,

Tedim Bible Revision 2017

¹² Khua neu khat ah a lut dektak laitakin miphak sawm in a dawntuah uh hi. Jesu tawh a kigamla munah ding uh a,

Luka 17:12 Referans Kwoze

Luka 5:12

Khua khatah Zeisu a om lai takin, a pumtang a phak mi khat a om hi. Tua pa in Zeisu a muh ciangin bok a, “Topa aw, nong hih nop leh, kei nong damsak zo ding hi,” ci-in a thuum hi.

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

2 KUMPI NIHNATE 7:3

Tu-in kulh kongpi lutna ah a phak mi li om hi; amaute khat leh khat in, “I sih dongin bang hangin hih lai-ah tu ding i hi hiam?

2 KUMPI NIHNATE 5:27

Tua ahih ciangin nangma tung leh na suan-le-khakte tungah Na-aman’ phakna hong belh tawntung ta hen,” a ci hi. Tua ahih ciangin Gehazi ama omna panin vuk bangin kaangin a phakin paikhia hi.

Gamlak-vakna 12:14

Ahih hangin Topa in Moses kiangah, “Tua numei’ maitangah a pa in cil phih leh tua numei ni sagih sung maizum ding hi lo ahi hiam? Giahphual pua lamah ni sagih sung kikhumcip sak in la, tua khit ciangin amah hong kipaipih kik thei ding hi,” a ci hi.

Paikhiatna 4:7

Tua ciangin Pasian in, “Na khut na ang sungah koih kik in,” ci hi. Tua ahih ciangin amah in a khut a ang sungah koih kik hi; amah in a lak khiat ciangin, en in, ama' ci-le-sa dangte mah bangin dam kik hi.