Luka 16:6 - Tedim Bible

⁶ Amah in, ‘Sathau langva phel zakhat ka ba hi,’ ci hi. Sumkempa in, ‘Na kiciamna lai la in la, tu-in sawmnga at meegmeeng in,’ a ci hi.

Tedim Bible Revision 2017

⁶ Amah in, ‘Sathau tambong za nih dim ba ing,’ ci hi. Tua ciangin amah in, ‘Na leibatna lai va la in,’ ci hi; tua ciangin, ‘Na leiba om lai sathau tambong za khat hi. Tu mahmah in tu suk inla, tambong za khatin ciamteh in,’ ci hi.

Luka 16:6 Referans Kwoze

Luka 16:12

Midangte’ sum tungah na diktat kei uh leh, kua in note sum hong kemsak ding hiam?

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

Mattiu 20:8

Nitak ciangin, leenggah lo neipa in, ‘Nasemte samin a tum nunungpen pan a kipanin, a tum masate dongin thaman na pia in,’ ci-in, sumkeempa kiangah thu a pia hi.

Luka 16:5

Tua khit ciangin a topa’ sum bate a vekpi-un sam a, ‘Ka topa kiangah leiba bangzah loh ding a om hiam?’ ci-in a masa penpa a dong hi.

Luka 16:7

Midang khat kiangah, ‘Nang in bangzah na ba hiam” ci-in a dot ciangin amah in, ‘Mangbuh seeng zakhat ka ba hi,” a ci hi. Sumkempa in, ‘Na kiciamna lai la in la, sawmgiat na at ding hi,’ a ci hi.

Johan 2:6

Judah mite ngeina bangin, siangtho biakna adingin tua munah seeng nih seeng thum bang a ta thei leibeel guk a kikoih hi.