Luka 16:31 - Tedim Bible

³¹ Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Tedim Bible Revision 2017

³¹ Ahi zongin Abraham in, ‘Amaute in Moses le kamsangteʼ thu a man nop kei uh leh, mi khat hong hingkikin amaute kiangah a va gen hangin umsak zo tuan lo ding hi,’ ci-in a dawng hi,” a ci hi.

Luka 16:31 Referans Kwoze

2 KORIN NIHNA 4:3

Kote in ka hilh uh Lungdamna Thu in kisin ahih leh, a kisia ding mite tung bekah kisinin a om hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 26:28

Agrippa in, “Nang in zolna thu tawm tawh kei Christian nong suaksak dektak hi,” ci-in Paul kiangah a ci hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Piancilna 9:27

Pasian in Jafeth tamsak hen la, Shem’ puanbukte sungah amah teengsak hen; Kanaan ama' sila hisak hen,” zong ci hi.

Luka 16:30

Tuate thu ngai ta hen,’ a ci hi. Sumhaupa in, ‘Hi kei, pa Abraham aw, mi sisa khat hong thokikin amaute kiangah a pai leh, amaute in mawhna a kisikkik ding uh hi,’ a ci hi.

Luka 17:1

Tua lai takin Zeisu in a nungzuite kiangah, “Puk nading om loh na’ng thu a om kei hi. Ahih hangin a puksakpa in gimna a thuak ding hi.

Johan 5:47

Ama gelhna lai na up kei uh leh, keima thu bangci up thei ding na hi uh hiam?” ci-in a gen hi.