Luka 16:23 - Tedim Bible

²³ Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Tedim Bible Revision 2017

²³ Ahi zongin hell khuk sungah gimna thuakin a om hi. A khuadak leh, gamlapi mun khat ah Abraham le Lazaras a om khawm a gal muh hi.

Luka 16:23 Referans Kwoze

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Luka 16:28

Amaute in hih gimna sungah a tun’ loh nading thu a hilh dingin ka pa’ innah Lazaras nong sawlsak nadingin kong ngen hi,’ a ci hi.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Mattiu 18:9

Na mittang in hong puksak leh, khelkhia in la, paai in. Na mittang kim nei-in meikuang sungah khulna na thuak sangin, mittang khat guak tawh nuntakna sungah na tum leh, nang ading a hoihzaw ding hi.”

Late 9:17

Pasian a mangngilh minam khempeuh ahi migilote in Leinuai ah pai ding uh hi.

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

Luka 8:28

Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

Mattiu 5:29

Tua ahih ciangin na mit taklam in hong puksak leh, khelkhia inla paai in. Bang hang hiam na cih leh, na pumtangin hel khua sungah na kiat sangin na na khat kisia leh, nang adingin a phazaw ding hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Isaiah 14:15

Ahih hangin nang pen, han sung, leihawm thuk penna Leihawm sungah hong kikoih suk ding hi.

Isaiah 14:9

Nang na paisuk ciangin hong dawntuah dingin Hansunga misite’ khate kihanthawn a, nangmah hopih dingin leitungah a lian ngei misi uliante kipusuaksak hi; a minamte’ kumpite khempeuh amau kumpi tokhom panin hong tho uh hi.

1 KORIN MASA 15:55

‘Sihna aw, na zawhna koi lai-ah om hiam? Sihna aw, na gu koi lai-ah a om hiam?’

Mattiu 11:23

Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

Paunak 9:18

Tua lai-a a paite a sihna thu, tua lai-a lutsate sihna gamthuk sungah a om khitna thu, a khem zawh mite in phawk kha lo uh hi.

Paunak 7:27

Tua bang numei zuihna in sihna gam zuatna hi a, sih baih nading lam zuatna ahi hi.

Paunak 5:5

Amah in sihna gamah hong paipih ding a, ama tot lampi in sihna mun tun’na lampi ahi hi.

Late 86:13

Bang hang hiam cih leh keimah nong itna kip lian mahmah a, Leinuai thuk sung sihna panin kei nong honkhia khin hi.

Late 49:15

Ahih hangin Pasian in Leinuai’ vangliatna panin kei hong tankhia ding hi, bang hang hiam cih leh amah in kei hong sang ding hi.

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Luka 16:24

‘Pa Abraham aw, kei hong hehpih in, Lazaras in a khutme dawn tui ah diah hen la, ka lei hong votsak nadingin ka kiangah hong sawl in. Bang hang hiam na cih leh, hih meikuang sungah gimna nakpi ka thuak hi,’ ci-in a kiko hi.