Luka 16:2 - Tedim Bible

² A topa in sumkempa sam a, ‘Nang thu ka zak teng bangci thu ahi hiam? Na sumkep ciamtehna lai hong pia in. Bang hang hiam na cih leh, sumkep na nasem nawn kei ding hi,’ a ci hi.

Tedim Bible Revision 2017

² A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Luka 16:2 Referans Kwoze

Mangmuhna 20:12

Tua lai takin a si mi a neu a liante in tua kumpi tokhom mai-ah ding-a a om uh ka mu hi. Laibute zong kiphen uh hi. Nuntakna laibu ahi adang laibu khat a kiphen hi. Tua a si mite in a gamtatnate bang laibu sungah a kigelh mah bangin thukhenna a thuak uh hi.

1 PETER MASA 4:10

Note in hehpihna letsong na ngah ciat uh mah bangin Pasian’ hehpihna thupha atuamtuam a keem mi phate bangin, khat leh khat na kihawm un.

1 PETER MASA 4:5

Tua mite in a nungta mite leh a si mite tungah thukhen dingin a om kholpa mai-ah thusuahna a thuak ding uh hi.

1 TIMOTI MASA 5:24

Mi kimkhatte a gitlohna uh kilangin thu kikhen masa thei hi. Mi kimkhat a gitlohna un, a nung uh hong zui hi.

Thuhilh-sia 12:14

Apha hita leh asia hita leh, a simtham-a i hih simte nangawn, i hihna khempeuh ah, Pasian in thu hong khen ding hi.

1 TIMOTI MASA 4:14

Genkholhna tawh, pawlpi upate’ khutngakna tawh nang hong kipia thupha letsong zang loin om kei in.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

1 KORIN MASA 4:2

Tua tham loin, sumpi keempa in lungsim dik a nei ding hi.

1 KORIN MASA 1:11

Bang hang hiam na cih uh leh, ka ute ka naute aw, note lakah a kitawng om hi ci-in Khlo-e te innkuanpih kimkhat in hong zasak uh hi.

ROM (Romans) 14:12

Tua ahih ciangin eite khempeuh in eima thu tekah Pasian’ thudotna i thuak ding hi.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

Mattiu 12:36

Ke’n kong cih-inah, mite in mawkna kampauna khempeuh hangin thukhen ni ciangin teldotna a thuak ding uh hi.

Mattiu 20:8

Nitak ciangin, leenggah lo neipa in, ‘Nasemte samin a tum nunungpen pan a kipanin, a tum masate dongin thaman na pia in,’ ci-in, sumkeempa kiangah thu a pia hi.

Luka 16:1

Khatvei Zeisu in a nungzuite kiangah, “Sumhaupa khat in sumkempa khat a nei hi. Tua sumkempa in a topa sum a thangbawl thu midangte in topa kiangah a ko uh hi.

Luka 16:3

Sumkempa in, ‘Tu-in ka topa in sumkep za panin hong kiasak zo ahih ciangin, bang ka ci hih ding hiam? Lo laih nading tha ka nei kei hi. Khutdawh ngen dingin ka maizum hi.