Luka 16:16 - Tedim Bible

¹⁶ ‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Tedim Bible Revision 2017

¹⁶ “Tuiphumpa Johanʼ hun ciang dong Moses Thukham le kamsangteʼ thugente pen zuih belin kinei a, ahi zongin Pasianʼ Ukna hangin Lungdamna Thu a kihilh hun a kipanin hih thu ah mi khempeuh hong kituhteh uh hi.

Luka 16:16 Referans Kwoze

Mattiu 21:32

Bang hang hiam cih leh, Johan in thuman lam tawh na kiang uhah hong pai hangin, ama thu na um kei uh hi. Siahdongte leh numei gilote in ama thu a um uh hi. Note in tua thu na muh uh ciangin, Johan’ thu um dingin na kisik kei uh hi,” ci-in a gen hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Luka 16:31

Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Luka 16:29

Abraham in, ‘Amaute in Moses leh Pasian’ kamsangte a nei uh hi.

Luka 10:11

‘Ka khepeek uh ah hong belh no khua leivui nangawn note langkhat ah ka nulkhia uh hi. Ahih hangin Pasian’ Gam hong nai zo hi ci-in na thei ta un,’ ci-in na gen un.

Luka 10:9

Cinate na damsak un. ‘Pasian’ Gam in note kiangah hong nai zo hi,’ ci-in thu na hilh un.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Marka 1:14

Johan a kimat khit ciangin Zeisu Galile gamah pai a, Pasian’ Lungdamna Thu a hilh-inah,

Mattiu 10:7

Na pai uh ciangin, ‘Vantung Gam hong nai zo hi,’ ci-in na hilh un.

Johan 12:19

Tua ahih ciangin Farisaite in, “En un, bangmah na zo kei uh hi. Leitung mite khempeuh in ama nung a zui khin ta uh hi,” ci-in khat leh khat a kici uh hi.

Johan 11:48

Hih mi i koihkhong leh, mite khempeuh in amah a um ding uh a, Rom mite hong pai-in eite omna gam ahi zongin, eite pawl ahi zongin hong susia ding uh hi,” a ci uh hi.

Marka 1:45

Ahih hangin tua pa paikhia a, a thu genthangin a kizeelsak hi. Tua ahih ciangin Zeisu in a nung ciangin a kilangin khua sungah tum thei lo a, khuanawl gampa lakah a om hi. Mun khempeuh panin a kiangah mite a pai uh hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 15:11

Kam sungah a tumte in mi a ninsak kei hi. Kam sung pan a paikhiate in mi a ninsak thei hi,” a ci hi.

Johan 5:4

(Topa’ vantungmi khat ahun hunin hong paisuk zel a, tui a kiloksak hi. Tui a kilawh hun sungin tua bualtui sung a tung masapen pen, a natna peuhpeuh a damsiang pahpah hi).