Luka 16:15 - Tedim Bible

¹⁵ Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Tedim Bible Revision 2017

¹⁵ Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Luka 16:15 Referans Kwoze

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.

Paunak 21:2

Na gamtatna khempeuh nangmah in man na sak hangin, Topa in na lungsim tawng a et telna phawk in.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Paunak 16:5

Topa in akihisak mite mudah a, daan a thuak hamtang nading uh, thei in.

Sawltak 15:8

Lungsim a thei Pasian in Kha Siangtho kote hong piak mah bangin amaute kiangah pia-in,

1 PETER MASA 3:4

Pasian mai-ah a manpha, lungnemna lungsim, a kisia thei lo kizepna ahi, a kimu thei lo lungsim sung kizepna hi ta hen.

Luka 11:39

Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.

Johan 2:25

Bang hang hiam i cih leh, amah in mi khempeuh thei a; mite sungah a omte khempeuh zong thei ahih ciangin, mi khat in midang khat thu ama kiangah a gensak ding a kul kei hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Luka 18:21

“Tua thu khempeuh ka neu lai a kipan ka tang zo hi,” a ci hi.

Paunak 20:6

Mi khempeuh in mi citakin kigen kim uh hi; ahi zongin a citak takpi ding mi kimu zo ding ahi hiam?

Luka 18:11

Farisaipa ding-in amah leh amah kigen-in thungen a, ‘Pasian aw, keimah in mi zawhthawh bawla sut ahi zongin, mi thuman lo gamta ahi zongin, mi’ zi tawh mawh thei mi tham loin, hia siahdongpa tawh kibang ka hi kei hi. Nangma hehpihna ka phat hi.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

2 KHANG TANGTHU NIHNATE 6:30

na teenna mun vantung panin za in la, maisakin,amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing’ lungsim na thei hi);

Sawltak 1:18

(Tua pa in a gilohna thaman tawh lo khat a lei khit ciangin, a bungbu-in kia a, a gilpi kitamin a gil khempeuh a buakhia hi.

Luka 20:47

Amaute in meigongte’ neihsa a ne mang uh a, mawhna a kilat loh nadingin sauveipi thu a ngen uh hi. Tuate in mawhsakna lianzaw a thuak ding uh hi,” a ci hi.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Late 49:18

A hin’ lai-in amah a lungdamin kingaihsunin, mi khat in ama ading na a limsep ciangin phatna a ngah hangin,

Late 49:13

Hih in a kihai muan’te’ ngah hi a, amau ngahsa tawh a lungkimte’ thumong ahi hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Luka 18:9

Amaute kidiksak a, midang khempeuh a zahtak lo mite kiangah, hih thugentehna Zeisu in a gen-inah,

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Sawltak 1:24

“Mi khempeuh’ lungsim a thei Topa aw,

ROM (Romans) 8:27

Lungsim sung a zongpa in Kha Siangtho’ lungsim a thei hi. Bang hang hiam na cih uh leh, tua Kha Siangtho in misiangthote ading Pasian’ deihna tawh kituakin thu a ngetsak hi.