Luka 15:4 - Tedim Bible

⁴ “Mi khat in tuu zakhat nei a, tuu khat a man’sak leh, tuu sawmkua leh kua gam lakah nusia-in a mang tuu khat a muh matengin a zong lo ding note lakah kua ahi hiam?

Tedim Bible Revision 2017

⁴ “Note sung panin khatpeuh in tuu za khat nei-in, tua sung panin khat mansuah leh bang cih ding ahi hiam? Lopa ne-in a gamta tuu sawm kua le kuate nusia-in, a muh matengin tua a mang tuu khat a zong dingin kuan khia ding hi.

Luka 15:4 Referans Kwoze

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

Mattiu 12:11

Zeisu in, “Ama tuu khat bek a neih Nipi ni-in leihawm sungah kia leh, a lakhia lo ding note lakah kua om ahi hiam?

Ezekiel 34:31

No ka tuute aw, an ka hong vak, tuuhon ahi keima mite na hi uh a, keimah in note’ Pasian ka hi hi. Topa Pasian ahi keimah in hih thu kong gen khin hi,” hong ci hi.

Late 119:176

A gammang tuu bangin lam ka pial khin hi; tua ahih manin na nasempa hong zong in. Bang hang hiam cih leh nangma thupiaknate ka pelh kei hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Luka 13:15

Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam?

Ezekiel 34:8

Keimah in a nungta Topa Pasian ka hih takpi mah bangin, keima thu nong ngaih zawk ding uh hi napi-in, tu-in a cing om lo ahih manin gamsate in ka tuute manin that in ne uh hi. Ka tuu a cingte in a tuu uh zong loin, amau pumpi bek mah kivakin ka tuute vak lo uh hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Jeremiah 33:13

Mual tunga khuapite, Shefelah zanglei-a khuapite leh leitaw lam Negeb gama khuapite, Benjamin gam, Jerusalem khua kimkot leh Judah gam khuapite ah, Topa in kong cih-inah tuucingte in a tuute uh a sim ding uh hi.

Ezekiel 34:4

Tuu zawngkhalte na khoi kei uh a, a cinate na damsak kei uh a, a liammate na tuamsak kei uh a, a lam pialte na khiang kei uh a, a mangte na zong kei uh hi. Na tuaci bawl gen loh uh, ngong bawlin na uk gawp zaw sop uh hi.

Luka 15:3

Tua lai takin Zeisu in hih thugentehna a gen-inah,