Luka 15:29 - Tedim Bible

²⁹ A ta in, ‘Hih tanvei, kum sawtpi nangma na ka sem zo hi. Nangma thukham khat beek ka khial kei hi. Ahih hangin ka lawmte tawh nopna ka bawl nadingin keelno khat zong khatvei beek nong pia ngei kei hi.

Tedim Bible Revision 2017

²⁹ A tapa u zaw in, ‘Tu a beisa hunsung khempeuh, nasemte khat bangin nangma adingin na ka sem a, na thu zong kong nial ngei het kei hi. Tua hi napi, kei bang hong pia ngei na hi hiam? Ka lawmte tawh pawi ka bawl nadingin keel khat nangawn nong pia kei hi.

Luka 15:29 Referans Kwoze

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Luka 19:21

Nang mi haksa na hi hi. Na koih lohna pan na la hi; na vawh lohna-ah na at ahih maninah kong kihta hi,’ a ci hi.

Luka 18:9

Amaute kidiksak a, midang khempeuh a zahtak lo mite kiangah, hih thugentehna Zeisu in a gen-inah,

Luka 17:10

Tuamah bangin note in zong thu khempeuh hong piak bang na hih khit uh ciangin, ‘Kote in a pha bawl lo nasemte ka hi uh hi. Nasemte ka hih uh ciangin a kituak bek ka hih zo uh hi,’ na ci ding uh hi,” ci-in a gen hi.

Luka 15:7

Ke’n kong cih-inah, tua bangin vantungah kisikkikna kisam a kisa lo sawmkua leh kuate sangin, mawhna a kisik migilo khat tungah nuamna a lianzaw hi.”

Mattiu 20:12

‘A tum nunungte in nai khat bek na a sem uh hi. Sun nilohin nakpi na sem a, nisa thuak kote tawh hong kibangsak hi,’ a ci uh hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

Isaiah 65:5

“Note kiang panin kote hong kituam koih ahih manin kihemkhia un la, ko kiangah hong pai kei un,” ci-in midangte tungah a gen mite in ni khat tawntung a kuang mei leh ka nak sunga meikhute bang ahi uh hi.

ROM (Romans) 3:27

Tua ahih ciangin kisaktheih nading koi-ah a om hiam na cih uh leh, a kipaaikhia zo hi. Bang thu tawh kipaai hiam? Gamtatna tawh kipaaikhia ahi hiam? Hi lo hi! Thu-upna tawh kipaaikhia hi.

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.

Luka 15:28

Ahih hangin amah heh a, inn sungah a lut nuam kei hi. A pa pusuakin a zol hi.

Luka 15:30

Ahih hangin numei gilote tawh kikhawla na sum na pai a mangsak, na tapa hong tun’ ciangin ama ading bawngno thau na gawhsak hi,’ a ci hi.