Luka 15:22 - Tedim Bible

²² Ahih hangin a pa in, ‘Puan hoih bel hong la meengmeeng un la, silhsak un. Ama khut ah zungbuhte hong butsak un.

Tedim Bible Revision 2017

²² Ahi zongin a pa in a nasemte sam a, ‘Hong manlang un. Puan hoih pen hong la unla silhsak un. A khutme ah zungbuh butsak unla, a khe ah khedap zong bulhsak un.

Luka 15:22 Referans Kwoze

Mangmuhna 6:11

Tua lai takin amau khempeuh, puanpaak khat ciat a piak khit ciangin, amaute tawh nasem khawm mite akipan amaute mah bangin thahna a thuak ding sanggamte in kicin’na a tun’ dongin tomkha a ngak lai nading thupiakna a ngah uh hi.

Esther 8:2

Tua ciangin kumpipa in Haman’ tung panin a lakkiksa minthuhna zungbuh pen suahkhia-in Mordekai pia hi. Tua hi a, Haman’ neihsa khempeuh a uk dingin Esther in Mordekai koih hi.

Piancilna 41:42

Tua ciangin Faro in a min gelhna zungbuh ama' khut tung panin suahkhia-in Josef' khut-ah bulhsak a, puan hoih mahmah tawh amah zemin, a ngawng-ah kham khainiang khat oksak hi;

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Esther 3:10

Tua ahih ciangin kumpipa in ama khut tung panin a min thuhna zungbuh suahin Judah mite’ gal, Agag-te beh Hammedatha’ tapa Haman tungah pia hi.

Mangmuhna 19:8

A siangtho, a ngo mahmah saihadial puan silhna thu a ngah hi. Bang hang hiam i cih leh, tua saihadial puan in misiangthote’ dik gamtatna ahi hi,” ci-in a gen hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Galati 3:27

Bang hang hiam na cih uh leh, Khazih sungah bataizna a ngah mi khempeuh in Khazih a silh uh hi.

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.

Solomon la 7:1

Kumpi meel pua, a ngaih baang nungak aw, na khete leh na khedap kilawm mahmah! Na phei leh na tanzumte, sing suih siamte’ suih bang hiuhiau hi.

Late 132:9

Nangma siampite in diktatna puan silh uh hen la, na misiangthote lungdamin awng ta uh hen.

Late 18:33

Amah in sangaipi’ khe bangin keima khe bawl a, mun sangna-ah keimah hong koih hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Efesa 6:15

kilemna tawh kipawl Lungdamna Thu-a kipan kisak kholhna khedap bulh un la, do un.

ROM (Romans) 3:22

Kilamdan’na neukha beek a om kei hi.

Late 132:16

Ka hotkhiatna thu, a siampite ka taangko sak ding a, a mi siangthote lungdamin la sa-in awng ding uh hi.

Thu-hilhkikna 33:25

Na khuapite, sik leh sumngo tawh kidal ding a, na nuntak lai teng na thahatna tua bang hi ding hi, a ci hi.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.

Luka 15:23

Khedap zong bulhsak un. Bawngno a thau hong paipihin go un la, an ne-in nuamsa ni.