Luka 15:20 - Tedim Bible

²⁰ Tua lai takin tho a, a pa kiangah va ciah hi. Ahih hangin inn pan gamlapi-ah a om lai takin a pa in mu a, hehpihhuai sa-in delh meengmeeng a, a ta ngawngkawi-in a nam hi.

Tedim Bible Revision 2017

²⁰ Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.

Luka 15:20 Referans Kwoze

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Efesa 2:13

Ahih hangin nidang lai a, gamlapi-ah a om note in tu-in Khazih’ sisan hangin Khazih Zeisu kiang nai na tung zo uh hi.

Isaiah 49:15

Ahih hangin Topa in, “Ama gilsung pan-a a suak nau hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilh kha thei ding hi, ahi zongin ke’n kong mangngilh kei ding hi.

Piancilna 33:4

Ahih hangin amah dawn dingin Esau hong tai-in, amah ngawng kawi a, pom cipin nam a, amaute kap uh hi.

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Piancilna 46:29

Tua ciangin Josef in a leengte kithawisakin Goshen-ah a pa Israel dawn dingin paito hi; a pa a muh phetin ngawng kawi-in tawl khat sung kap hi.

Piancilna 45:14

Tua ciangin a sanggampa Benjamin ngawng kawi-in a kap hi; Benjamin in zong amah ngawng kawi-in a kap hi.

Sawltak 20:37

Amaute khempeuh in nakpi-in a kap uh a, Paul’ ngawng kawi-in a nam uh hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

2 SAMUEL NIHNA 14:33

Tua ciangin kumpipa kiangah Joab pai-in ama kiangah gen hi; tua ciangin amah in Absalom sam hi. Tua ahih ciangin amah kumpipa kiangah hong pai a, a mai lei ngatin kumpipa’ mai-ah kun hi; tua ciangin kumpipa in Absalom nam hi.

Luka 15:19

Tu-a kipanin na ta kicih nadingin ka kilawm kei hi. Nangma nasemte khat mah bangin hong koih in, ka ci ding hi,’ a ci hi.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.