Luka 15:2 - Tedim Bible

² Farisaite leh laitheite in , “Hihpa in migilote ngai a, amau tawh an a nekhawm hi,’ ci-in a ko uh hi.

Tedim Bible Revision 2017

² Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 15:2 Referans Kwoze

Mattiu 9:11

Farisaite in a muh uh ciangin a nungzuite kiangah, “Na Siapa uh siahdongte leh mawhneite tawh bang hangin an ne khawm ahi hiam?” a ci uh hi.

Luka 19:7

Tua thu amaute in a muh uh ciangin, “Mawhneipa’ inn sungah a taam hi,” ci-in a zahko uh hi.

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Luka 5:30

Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.

Sawltak 11:3

“Nang in vunat lote kiangah pai-in amau tawh an na ne khawm hi,” ci-in a mawhsak uh hi.

Luka 7:34

Mihing Tapa in an ne tui dawnin hong pai a, note in, ‘Hihpa in an hai zu haipa hi. Siahdongte leh migilote tawh zawlin a kiman hi,’ na ci uh hi.

Galati 2:12

Bang hang hiam na cih uh leh, mi kim khat in Jeim kiang pan a hong tun’ ma-in Gentailte tawh an a ne khawm hi. Ahih hangin tuate hong tun’ khit uh ciangin amah in vunatte a kihtak maninah nungkinin a tuam om hi.

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Luka 15:3

Tua lai takin Zeisu in hih thugentehna a gen-inah,

1 TIMOTI MASA 1:15

Zeisu Khazih in mawhneite gum dingin leitungah hong paisuk hi, a cihna thu in thuman thutak hi a, a vekpi-in san’ ding a kilawm hi. Tua mawhnei mite lakah keimah in a mawhnei bel mi ka hi hi.