Luka 15:17 - Tedim Bible

¹⁷ A lungngaih kik ciangin, ‘Ka pa’ inn sungah nasemte khamval bangzah tak a om hiam! Kei ka hih leh hih gamah gilkialin puksi dek takin ka om hi.

Tedim Bible Revision 2017

¹⁷ A tawpna ah thu ngaihsun thei a, ‘Ka paʼ nasemte khempeuh in gaih zawh lohin an khamval nei uh a, tu-in hih lai ah gil kialin a puksi ding ka hi ta hi.

Luka 15:17 Referans Kwoze

Ezekiel 18:28

Amah in a gamtatna phawkin a mawh bawlna khawl hi. Tua ahih manin amah si het lo ding a, nungta paisuak ding hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Jeremiah 31:19

Nangma’ kiang pan ka paikhiat khit phet-in ka kisik kik a, Nong thuhilh khit ciangin dah-in ka kun hi. Ka neu lai-a ka min siatna teng pua ka hih manin mai zumin ka lungam hi,’ a ci hi.

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Luka 8:35

Mite in bang thu piang hiam ci-in en dingin a kuankhia uh hi. Amaute in Zeisu kiang a tun’uh ciangin, dawi paikhiatnapa puan silhin mipil bangin Zeisu’ khe kiangah tu-in a om a mu uh a, a lungmang uh hi.

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

Thuhilh-sia 9:3

Mi khempeuh’ thumong kibang kim a, hih thu in leitunga thupiang lakah a man het lo khat ahi hi. Mihingte a nuntak lai teng, gitlohna leh a mawkna thu tawh a lungsim uh kidim a, theih kholh lohin mihingte si pak uh hi.

Late 73:20

Amaute pen mi khat in mang a mat tawh kibang a, na khan’lawh ciangin amaute a bangci hiam cih na phawk nawn kei hi.

Late 119:59

Ka gamtatnate ka ngaihsun a, nangma ngeinate zuih ding ka kiciam hi;

Hosea 2:7

Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Luka 15:16

Amah in vok an nek begapte nangawn duhgawhin a nekpih nuam hi. Ahih hangin kuamah in an a pia kei hi.

Sawltak 12:11

Piter in khua a phawk khit ciangin, “Topa in vantungmi hong sawl a, Herod kumpipa’ khut leh Judah mite’ lametna sung pan kei hong suaktasak takpi ahih ka thei hi,” a ci hi.