Luka 15:16 - Tedim Bible

¹⁶ Amah in vok an nek begapte nangawn duhgawhin a nekpih nuam hi. Ahih hangin kuamah in an a pia kei hi.

Tedim Bible Revision 2017

¹⁶ Vokteʼ be gap nekte nangawn a duhgawh ciang dongin om a, ahi zongin kuamah in an pia lo hi.

Luka 15:16 Referans Kwoze

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Kah la 4:5

An limpen a ne ngeite kongzing lakah puksi uh a, nuamsa a, khangkhia mite in nin buakna lak thai-in an a zong uh hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Late 142:4

Ka kiim ka pam enin ka khuadak a, ahih hangin kei hong huh ding kuamah om lo hi; ka belh ding kuamah om lo a, kuamah in kei hong don lo hi.

Isaiah 57:3

No, aisan numeite’ tapate, numei tawh a mawh mite leh numei pangtatte’ tu-le-tate aw, hih lai-ah hong nai un.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Late 73:22

keimah hai-in bangmah ka thei kei a, nangma mai-ah ganhing tawh ka kibang hi.

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Luka 15:15

Tua lai takin amah pai-in tua gam mi khat beel a, vok cing dingin a topa in lo lamah a sawl hi.

Luka 15:17

A lungngaih kik ciangin, ‘Ka pa’ inn sungah nasemte khamval bangzah tak a om hiam! Kei ka hih leh hih gamah gilkialin puksi dek takin ka om hi.

JOB (Job) 30:4

Amaute in singkungnote botin ne uh a, limna alna a nei lo poding zung nangawn ne uh hi.