Luka 15:15 - Tedim Bible

¹⁵ Tua lai takin amah pai-in tua gam mi khat beel a, vok cing dingin a topa in lo lamah a sawl hi.

Tedim Bible Revision 2017

¹⁵ Tua ahih manin tua gam mite khat kiangah nasem dingin va pai a, a innteek pa in vok cing dingin ama lo ah a sawl hi.

Luka 15:15 Referans Kwoze

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah bangun, kei zong, mi khempeuh mai-ah simmawhna leh niamkhiatna kong ngahsak hi,” a ci hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

Luka 15:13

Tua nung ciangin sawtvei kihal loin a taneu in ama sum khempeuh khawm a, gamlapi gamah pai-in tua santak ah noptatna lamsang uang lua ahih ciangin, a sum teng a zang khin hi.

Nahum 3:6

Nang hong huat bawlin, ninbulom tawh kong dimsak ding a, mite in lamdang sakna tawh hong en ding uh hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Ezekiel 16:52

Tu-in na mindaina teng na thuak kul hi. Na sanggam numeite’ mawhna sangin nangma mawhnate nak siatzaw lua ahih manin nang kiang panin amaute a mawh lo tawh kibang phial hi. Na sanggam numei dangte a siangtho bangsak phial na hih manin zahla in la, maizum in.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

2 KHANG TANGTHU NIHNATE 28:22

Hih Kumpi Ahaz mah pen—a lungkham hunin Topa tungah citak lo zawlai hi.

Paikhiatna 10:3

Tua ahih ciangin Faro' kiangah Moses leh Aaron pai uh a ama' kiangah, “Hebru mite’ Pasian, Topa in hih bangin ci hi, ‘Ka mai-ah nang na kiniamkhiat nading bang tan vei nial ding na hi hiam? Amaute in keima' na hong sep theih nadingin ka mite paisak in.

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Luka 15:14

A sum khempeuh a beikhit ciangin tua gamah nakpi-in kial tung a, amah in nakpi a zawng hi.

Luka 15:16

Amah in vok an nek begapte nangawn duhgawhin a nekpih nuam hi. Ahih hangin kuamah in an a pia kei hi.