Luka 15:13 - Tedim Bible

¹³ Tua nung ciangin sawtvei kihal loin a taneu in ama sum khempeuh khawm a, gamlapi gamah pai-in tua santak ah noptatna lamsang uang lua ahih ciangin, a sum teng a zang khin hi.

Tedim Bible Revision 2017

¹³ Ni tawm khat khit ciangin a nau zaw pa in ama neihsa teng zuakin a sum tawh inn panin a gamlapi ah paikhia a, a sumte a phengzat gawp hi.

Luka 15:13 Referans Kwoze

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Paunak 29:3

Pilna a deih mi in a pa lungdamsak a, numei paktat tawh a kikhawl mi in a neihsa teng lawnmang hi.

Paunak 21:17

A noptat nuamte zawng a, zu ne a, sathau namtui nilhte hau lo hi.

Paunak 28:7

Thuhilhna a mang mi in ta pil hi a, lawm gina lo tawh a kikhawl mi in a pa mindaisak hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Luka 16:1

Khatvei Zeisu in a nungzuite kiangah, “Sumhaupa khat in sumkempa khat a nei hi. Tua sumkempa in a topa sum a thangbawl thu midangte in topa kiangah a ko uh hi.

Luka 15:30

Ahih hangin numei gilote tawh kikhawla na sum na pai a mangsak, na tapa hong tun’ ciangin ama ading bawngno thau na gawhsak hi,’ a ci hi.

Micah 6:3

Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Paunak 27:8

Inn panin gamlapi-ah a zinkhia mipa in, a bu panin a leengkhia vasa tawh kibang hi.

Paunak 21:20

Mipilpa’ inn sungah neih leh lam a dim a ha-in om a, ahi zongin mihaipa in a ngah zahzah zangkhia pah hi.

Paunak 18:9

Na a susia mite a hoih loh zah mahin, a thadahte zong mihoih lo ahi hi.

Paunak 6:26

Bang hang hiam cih leh anlum khat tawh numei paktat khat kingah zo a, ahi zongin numei tawh mawhna in nuntakna bup siasak hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

2 PETER NIHNA 2:13

gitlohna thaman ahi gitloh bawlna a thuak ding uh hi. Tua mite in sun lai takin pawikham uh a, noptatin a om uh hi. Note tawh pawi a kham uh ciangin amau kheemna tawh noptat lua-in a nin baang kinuh mi ahi uh hi.

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Efesa 2:13

Ahih hangin nidang lai a, gamlapi-ah a om note in tu-in Khazih’ sisan hangin Khazih Zeisu kiang nai na tung zo uh hi.

Luka 15:12

A taneu in a pa kiangah va pai a, ‘Pa aw, ka ngah dinga kilawm luahna sum hong pia in,’ ci-in a ngen hi. A pa in a tate tungah a sum hawmsak hi.

Luka 15:14

A sum khempeuh a beikhit ciangin tua gamah nakpi-in kial tung a, amah in nakpi a zawng hi.