Luka 15:10 - Tedim Bible

¹⁰ Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Tedim Bible Revision 2017

¹⁰ Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Luka 15:10 Referans Kwoze

Luka 15:7

Ke’n kong cih-inah, tua bangin vantungah kisikkikna kisam a kisa lo sawmkua leh kuate sangin, mawhna a kisik migilo khat tungah nuamna a lianzaw hi.”

2 KORIN NIHNA 7:10

Bang hang hiam na cih uh leh, Pasian’ deihna tawh kituak dahna in hong gup nading tawh kizom kisik kikna lungsim hi a, a kikheel kik thei lo kisikna lungsim hong pia hi. Leitunga dahna in sihna a piangsak hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Ezekiel 18:23

Mi gilo khat a si ka muh ciangin a lungdam dingin hong ngaihsun na hi hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Mattiu 18:14

Tua mah bangin vantungah a om na Pa un, tua naupangte khat a kisiat nading a ut kei hi.”

Ezekiel 18:32

Kuama’ sih ding ka deih kei hi. Tua ahih manin na mawh gamtatna uh khawl un la, nungta un. Topa Pasian in ci hi,” hong ci hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Luka 7:47

Tua ahih ciangin, ke’n kong cih-inah ama mawhna tam napi-in a kimaisak hi. Bang hang hiam na cih leh, amah in tampi-in a it hi. A tawmno khat mawhna a kimaisak mi in tawmkha-in a it thei hi,” ci-in Simon kiangah a gen hi.

Mattiu 18:10

“Note in hih naupangte khatpeuh mah na simmawh loh nadingun na kikeem un.

Filemon 1:15

Tua tham loin, nangmah in amah tawh na omkhop tawntung nadingin, amah in nang tawh tawlkhat a kikhen cih huai hi.

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

Mattiu 10:32

“Mite mai-ah kei hong mang hong ngai peuhmah, vantungah ka Pa mai-ah zong ka ngai ding hi.

Luka 12:8

“Ke’n kong cih-inah, mite mai-ah kei hong mang hong ngai khempeuh, Mihing Tapa in Pasian’ vantungmite mai-ah a ngai ding hi.

Luka 12:9

Mite mai-ah hong nialte Pasian’ vantungmite mai-ah kinial ding hi.

Luka 15:9

A muhkik ciangin a lawmte leh a inn veengte sam a, ‘Hong lungdampih ta un. Bang hang hiam na cih uh leh, ka man’suahsa dangka ka mukik zo hi,’ a ci hi.

Luka 15:11

Khatvei Zeisu in, “Mi khat in tapa nih a nei hi.