Luka 14:32 - Tedim Bible

³² A zawh kei ding leh, adang kumpipa gamla-ah a om lai takin upa sawl a, gal kilem nading thu a ngen ding hi.

Tedim Bible Revision 2017

³² A zo zo ding ahih vet kei leh, tua kumpipa a hong tun ma, a gamla ah a om lai-in, ama kiangah kamtaite sawl dinga, kilem nading thu gensak ding hi.

Luka 14:32 Referans Kwoze

Sawltak 12:20

Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Luka 12:58

Na kitotpih pa tawh thukhen mangpa kiangah na paikhop lai takin, kilem dingin na hahkat in. Tua ahih kei leh, amah in thukhen mangpa kiangah hong kai ding hi. Thukhen mangpa in palikte kiangah hong pia ding a, palikte in thong sungah hong khum ding uh hi.

Mattiu 5:25

Na kitotpihpa tawh lam na tonkhawm lai takin na kilem mengmeng in. Tua ahih kei leh, amah in thukhen mangpa kiangah hong khia ding hi. Thukhen mangpa in palikte kiangah hong pia ding a, palikte in thong sungah hong khum ding hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

Mattiu 5:42

A hong ngente na pia un. A hong leitawite na nungngat kei un.”

Luka 14:31

Ahih kei leh, kumpi khat in adang kumpipa tawh kido dingin a paikhiat ciangin, then nih tawh hong kuante then khat tawh nang zo ding hiam ci-in a masa-in tu-a lungngai lo kumpi om ding hiam?

Luka 14:33

Tua mah bangin note lakah mi khatpeuh in a neihsa khempeuh a nusiat kei leh, ka nungzui a suak zo kei ding hi.”

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.