Luka 14:24 - Tedim Bible

²⁴ Ke’n kong cih-inah, a kikhosate ahih uh leh, khat beek in ka an a ciam kei ding hi,’ ci-in a nasempa thu a pia hi,” ci-in a gen hi.

Tedim Bible Revision 2017

²⁴ Keʼn kong cih in ah, ka sap masak mite khat beek in ka an ciam kha lo ding uh hi,’ ci hi,” a ci hi.

Luka 14:24 Referans Kwoze

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Mattiu 22:8

Tua laitakin kumpipa in a nasemte kiangah, ‘Ka mopina pawi ding teng a baihsa-in a om hi. Ahih hangin ka sapsate a kilawm kei uh hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 3:19

Thukhenna thu in leitungah khuavakin hong tunga; mite in khuavak sangin khuamial a deihzaw uh hi. Bang hang hiam i cih leh, amaute’ gamtatna man lo ahih hang hi.

Johan 8:21

Tua ahih ciangin khatvei Zeisu in, “Kei ka ciah ding hi. Note in nong zon’ uh hangin nomau mawhna sungah na si ding uh hi. Ka paina mun nong tung zo kei ding uh hi,” a ci hi.

Luka 14:23

A topa in, ‘Ka inn a dim nadingin lampi leh lo lamah pai in la, amaute zawhthawhna tawh hong tumsak in.

Luka 14:25

Tua lai takin mihonpite in Zeisu tawh a paikhawm uh hi.