Luka 14:21 - Tedim Bible

²¹ Nasempa ciah a, tua thu khempeuh a topa a zasak hi. Tua lai takin inn teekpa heh a, “Khua sung lamlian ah ahi zongin, lamneu ah ahi zongin pai in la, mizawngte, mipoite, mittawte, khebaite hong tumpih in,’ ci-in a nasempa sawl hi.

Tedim Bible Revision 2017

²¹ Tua ahih ciangin a nasem pa hong ciahin a topa kiangah hih thute hong zasak hi. Tua ciangin innteek pa a heh suak a, a nasem pa kiangah, ‘Khua sung kongzing khempeuh ah va pai inla, mizawng, khe zaw, mittaw le khebai mite hong paipih in,’ ci-in a sawl leuleu hi.

Luka 14:21 Referans Kwoze

Luka 14:13

Pawi na kham ciangin mizawngte, mipoite, khebaite leh mittawte na sam in.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Johan 9:39

Zeisu in, “Khua mu thei lote a muh nading ahi zongin, khua mu theite in mittawt nading ahi zongin thu khen dingin leitungah kong pai hi,” a ci hi.

Luka 14:24

Ke’n kong cih-inah, a kikhosate ahih uh leh, khat beek in ka an a ciam kei ding hi,’ ci-in a nasempa thu a pia hi,” ci-in a gen hi.

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun phong to hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa aa hi a, tuate tungah amah in leitung pumpi koih hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Mattiu 11:28

Van gik pua a, a gim mi khempeuhte aw, ka kiangah hong pai ta un. Tawldamna ka hong pia ding hi.

Isaiah 33:23

Gal teembaw khaute kol a, ama om nading mun sanah gunkuang puan khuam lenkip zo lo a, gunkuang puan zal thei lo hi. Tua ciangin galte’ neihsate kihawm keek ding a, khebaite nangawnin van ngah ding uh hi.

Luka 9:10

Sawltakte in Zeisu kiangah a paikik uh ciangin, ahihna thu khempeuh a zasak uh hi. Zeisu in amaute paipih a, gam daihna Bethsaida kici khua khatah a tung uh hi.

Mattiu 18:31

Tua thu adang nasemte in a theih uh ciangin, a dah uh a, a gamtatna thu khempeuh a topa uh kiangah ko uh hi.

Mattiu 15:12

A nungzuite’n va nai uh a, “Tua thugentehna Farisaite in a zak uh ciangin, a lungmang uh na thei hiam? a ci uh hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

1 SAMUEL MASA 25:12

Tua ahih ciangin David’ tangvalte kihei a, ciah kikin hih thu khempeuh ama kiangah gen uh hi.

Late 38:7

Bang hang hiam cih leh ka ci sa mahmah a, nakpi takin ka ci na hi.

Luka 14:20

Khat leuleu in, ‘Ke’n zi ka pi zo hi. Tua ahih ciangin kong hawh man kei ding hi,’ a ci hi.

Luka 14:22

A nasempa in, ‘Topa aw, na cih mah bangin ka sap hangin omna a awng lai hi,’ a ci hi.

Mattiu 20:7

tua mite in, ‘Kote kuamah in hong cial lo hi,’ a cih uh ciangin, ‘Tua ahih leh, no zong ka leenggah lo-ah pai un,’ a ci hi.