Luka 14:13 - Tedim Bible

¹³ Pawi na kham ciangin mizawngte, mipoite, khebaite leh mittawte na sam in.

Tedim Bible Revision 2017

¹³ Tua bangin anvakna pawi na bawl ciangin mizawngte, khezawte, khebaite le mittawte sam in.

Luka 14:13 Referans Kwoze

Luka 14:21

Nasempa ciah a, tua thu khempeuh a topa a zasak hi. Tua lai takin inn teekpa heh a, “Khua sung lamlian ah ahi zongin, lamneu ah ahi zongin pai in la, mizawngte, mipoite, mittawte, khebaite hong tumpih in,’ ci-in a nasempa sawl hi.

Isaiah 58:10

gilkial mite an pia-in, a kinengniam mite tungah amau’ kisapnate na piak uh leh, na kimkot uh a, khuamial pen khuavak hong suak ding a, na lung ziin’na uh sun nitaang hong bang ding hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Nehemiah 8:10

Tua ciangin amah in amaute kiangah, “Tu-in ciah un; an lim tui lim ne-in thadim un la, a nei zo lote zong va kholh un; bang hang hiam cih leh i Topa’ adingin tu ni in biakna ni siangtho ni ahi hi; dah kei un, bang hang hiam cih leh Topa sungah lungdamna in note’ thahatna ahi hi,” a ci hi.

Mattiu 22:10

A nasemte in lampi-ah paikhia uh a, a gi, a gilote, a muh khempeuh a kikhawmsak uh a, mopina pawi sungah mi a dim hi.

Thu-hilhkikna 16:14

na pawi sungah nang leh na tanu leh na tapa, na nasem numei leh na nasem pasal Levi mi, peemta, pa nei lo, leh na khua sunga om meigong numeite tawh na lungdam khawm ding uh hi.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Thu-hilhkikna 16:11

Topa na Pasian uh mai, ama min om nadingin Topa na Pasian un a telna munah, nang leh na tanu leh na tapa, na nasem numei leh na nasem pasal, na khua sunga om Levi mi, peemta, pa nei lo, note lakah a om meigong numeite tawh na lungdam khawm ding uh hi.

Thu-hilhkikna 14:29

Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei loh uh ahih manin Levi mite’ peemta, pa nei lo, leh meigong numei ahi note’ khua sunga omte hong pai-in ne-in a gilvah ding uh hi.

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

JOB (Job) 29:13

A lungkham a cimawhte in kei hong phat uh a, meigong numeite lungnuamin ka omsak hi.

Nehemiah 8:12

Tua ahih ciangin mi khempeuh an ne tui dawnin midangte a kholh ding leh lungdam-a om dingin ciah uh hi; bang hang hiam cih leh amaute tungah a kigen thute amaute in theitel uh hi.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tulkhat leh tuu tulsagih pia a, uliante in a kikhawmte tungah bawngtal tulkhat leh tuu tulsawm pia uh hi. Siampite in tampi tak amau mah kisian’suah uh hi.

2 SAMUEL NIHNA 6:19

Israel mihon buppi, mi khempeuh, numeite leh pasalte tungah anlum pheng khat, sa baak khat, leh leenggahkeu pheeng khat pia ciat hi. Tua ciangin mi khempeuh a inn ciat uh ah ciah uh hi.

Titu 1:8

Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.

Filemon 1:7

Sanggam aw, nangma hangin misiangthote in lungsim thaksuahna a ngah uh ahih ciangin nangma itna ngaihsunin lungdam mahmahin ka nuam zo hi.

Sawltak 9:39

Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Paunak 22:9

A cingh mite in mizawngte an pia a, amah in thupha ngah kik hi.

Mattiu 15:30

Mi tampi a kiangah va tung uh a, khezawte, mittawte, mi pautheilote, mi cingtak lote a kipan, adang cinatna a vei khempeuh hong paipih-in Zeisu kiangah a nga uh hi.

Luka 14:12

A sampa kiangah Zeisu in, “Sun an ahi zongin, nitak an ahi zongin na vaak ciangin, na lawmte ahi zongin, na u na nau ahi zongin, na beh na phung ahi zongin, sumhau na inn veengte ahi zongin na sam kei in. Tua bangin na sap leh, amaute in nang hong sam kikin, nang hong thuk ding uh hi.

Luka 14:14

Amaute in nang hong thukkik nading bangmah nei lo uh ahih ciangin, thupha na ngah ding hi. Bang hang hiam na cih uh leh, midikte’ thawhkik ni ciangin nang hong kithukkik ding hi,” a ci hi.