Luka 13:7 - Tedim Bible

⁷ “Topa in lo nasempa kiangah, ‘En in, kum thum tua theikung’ gah zong dingin kong pai hangin ka mu kei hi. Na phuk in. Bang hangin lei a nainawngsak hiam?’ ci-in thu a pia hi.

Tedim Bible Revision 2017

⁷ Tua ahih manin amah in a lokho pa kiangah, ‘A beisa kum thum sung theigah lo dingin ka pai zelzel a, ahi zongin gah lo hi. Tua ahih manin phuk in. Bang hangin lo sung mawk nawngkaisak ding ahi hiam?’ ci hi.

Luka 13:7 Referans Kwoze

Mattiu 7:19

A gah hoih lo kung khempeuh kiphuk tan a, mei sungah kikhul ding hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Paikhiatna 32:10

tua ahih ciangin tu-in amaute'tungah ka hehna so-in amaute ka beisak theih nadingin kei guak hong omsak in; ahih hangin minam lian khatin nang kong bawl ding hi,” a ci hi.

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Siampi Laibu 19:23

“Note tua gamah tungin an dingin kung nam khempeuh na suan uh ciangin, note in amau’ gahte a kikham-in na seh ding uh hi; note adingin kum thum sung tua gah a kikham hi ding a, kine lo ding hi.

Siampi Laibu 25:21

keimah in a kum gukna ah note tungah thupha kong pia ding a, kum thum sung ading gah hong gah ding hi.

Luka 13:8

Lo nasempa in, ‘Topa aw, tukum hici koih phot dih in. Keimah in a phung kimkot ah tovungin, eklei ka sung ding hi.