Luka 13:6 - Tedim Bible

⁶ Zeisu in hih thugentehna a gen-inah, “Mi khat in a lo lai-ah theikung khat a suan hi. Theigah zong dingin tua kung kiangah a pai hangin, gah a om kei hi.

Tedim Bible Revision 2017

⁶ Tua ciangin Jesu in amaute kiangah thu gentehna khat gen a, “Mi khat in a lo lai ah theikung khat a suansak hi. Theigah a lo dingin a pai ciangin bangmah na gah lo hi.

Luka 13:6 Referans Kwoze

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Jeremiah 2:21

A kiteelteel leenggah gui ci hoihte bangin nang kong suan khin zo-a, ahih hangin nang kisia kik-in bang hangin leenggah gui a hoihlote na suak kik tazen hiam?

Filippi 4:17

Tua bang ka cih ciangin huhna sumpi a zong ka hi hi, a ci ka hi kei hi. Note ading a gah a khan’na bek ka zong hi.

Jeremiah 8:13

Topa in kong cih-inah, amaute ka susia khin ding a, a lote uhah lenggah a om nawn kei ding hi; thei in zong gah a nei nawn kei ding hi. A tehte nangawn a keu ding a, amaute ka piaksa nate a bei ding hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Thukhente 9:11

Ahih hangin theikung in amaute kiangah, ‘Keimah in ka khumna leh ka gah hoihte nusia-in singkungte a uk dingin hong pai ding ka hi hiam?’ a ci hi.