Luka 13:33 - Tedim Bible

³³ Ahih hangin tuni, zing ciang leh thai ciangin ka pai ding hi. Bang hang hiam na cih uh leh, kamsangpa in Jeursalem khua sim loh mun dangah a si thei kei ding hi.”

Tedim Bible Revision 2017

³³ Ahi zongin tu ni, zing le thai sungteng ka ma nawt suakin ka pai ding hi. Bang hang hiam cih leh Jerusalem khua sung lobuang mun dangah kamsang pa a kithah ding kilawm lo hi.

Luka 13:33 Referans Kwoze

Luka 9:53

Zeisu in Jerusalem khua lam pai dingin a mainawt ahih ciangin tua khua mite in a nolh uh hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Sawltak 13:27

Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.

Mattiu 20:18

“Eite Jerusalem khuapi ah i pai ding hi. Mihing Tapa in siampi liante leh laitheite khut tungah a kipia ding hi.

Johan 11:54

Tua ahih ciangin Judah mite lakah a kilangin Zeisu a pai nawn kei hi. Tua mun panin paikhia-in, gammang tawh kinai Efraim kici khua-ah pai a, a nungzuite tawh a omkhawm hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Johan 11:9

Zeisu in, “Nisuah leh nitum kikal nai sawm leh nai nih pha hilo ahi hiam? Mi khat in sun lai takin a pai leh, leitung khuavak a muh maninah a kipuk thei kei ding hi.