Luka 13:27 - Tedim Bible

²⁷ topa in, ‘Note kuami na hi uh hiam, ke’n kong thei kei hi. Mawhna ahih te aw, kei kiang pan paikhia un kong ci hi,’ ci-in hong gen ding hi.

Tedim Bible Revision 2017

²⁷ Ahi zongin amah in, ‘Note koi panin a hong pai cih kong thei kei hi. A giloin a gamta note khempeuh aw, kei kiang panin paikhia un,’ hong ci ding hi.

Luka 13:27 Referans Kwoze

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Late 6:8

Siatna bawlte khempeuh aw, ka kiang panin kihemkhia un; bang hang hiam cih leh Topa in ka kahna aw a za zo hi.

Late 119:115

No, siatna bawlte aw, Pasian’ thupiaknate ka zuih theih nadingin kei kiang panin paikhia un.

Luka 13:25

Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi.

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Hosea 9:12

Amaute in ta a khoi uh hangin suan-le-khak a neih theih ma-un ka khan’sihsak khin ding hi. Hih mite ka nungngat ciangin amaute tungah a lungkhamhuai lianpite tung ding hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 101:8

Zingsang simin, leitunga migilote khempeuh ka susia ding a, Topa’ khuapi panin, siatna bawlte khempeuh ka khenkhia ding hi.

Late 28:3

Amau lungsim sungah siatna om hi napi a vengte tawh kilemna thu a gen khem, siatna bawlte, migilote tawh kei hong lakhia khawm kei in.

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

1 KORIN MASA 8:3

Mikhat in Pasian a it leh, Pasian in tua mi a thei hi.

Mattiu 25:12

Topa in, ‘Ke’n aman takpi kong cih-inah, note kong thei kei hi,’ a ci hi.