Luka 13:25 - Tedim Bible

²⁵ Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi.

Tedim Bible Revision 2017

²⁵ Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Luka 13:25 Referans Kwoze

Luka 13:27

topa in, ‘Note kuami na hi uh hiam, ke’n kong thei kei hi. Mawhna ahih te aw, kei kiang pan paikhia un kong ci hi,’ ci-in hong gen ding hi.

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Isaiah 55:6

“A kimuh theih hun lai-in Topa zong un la, a nai om lai-in amah sam un;

Hebru 12:17

Note in na theih uh mah bangin Esau in a nung ciangin a luah nop hangin nialna a ngah hi. Khitui luangin a zon’ hangin a pa’ lung kikheel nading thu a mu kei hi ci-in na thei uh hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Late 32:6

Tua ahih ciangin nangmah hong kimuh theih lai-in mi hoih khempeuh, nangma tungah thu kingensak in; tua hi leh tuikhang in amaute ban lo ding hi.

Piancilna 7:16

Pasian’ thupiaksa bangin nuntakna a nei khempeuh teembaw sungah a lut khit ciangin Topa in amah kong khaknelh hi.

Luka 3:8

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.