Luka 13:19 - Tedim Bible

¹⁹ Mi khat in huanah a cin ankam tang tawh kibang hi. Ankam tang khangin kung suak a, vana vasate in a hiangah a tuang thei uh hi,” a ci hi.

Tedim Bible Revision 2017

¹⁹ Mi khat in a lo ah a vawh ankam tang khat tawh kibang hi. Tua ankam tang hong khangin kung golpi hong suak a, vasate in a hiang tungah bu a tom thei uh hi,” a ci hi.

Luka 13:19 Referans Kwoze

Daniel 4:12

A tehte hoih mahmah a, leitung bup kham khop ding zahin gah a gah hi. Gamsate in a liim bel uh a, vasate in a hiangah bu bawl uh a, a nungta thei khempeuh in a gah a ne uh hi.

Daniel 4:21

A tehte hoih mahmah a, leitung bup a vak zo ding gah a gah hi. Gamsate in anuai-ah tawlnga uh a, vasate in a hiangah bu a bawl uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Ezekiel 31:6

Vasa nam khempeuh in a hiang tungah bu tom uh a, ganhing nam khempeuh in a limnuai, ta suahna-in nei uh hi. Leitung minam khempeuh in zong, a limnuai belh-in nei uh hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Sawltak 21:20

Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Isaiah 58:11

Tua ciangin note lam kong lak tawntung ding a, ni tangin a kap leitangah na kisapnate uh kong lungkim sak ding hi. A cidam a thahatin kong om sak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Solomon la 6:2

Ka ngaihno, paaknamtui kung a pona, a huan sungah pai hi. A huan sungah a tuu cing a, unok paakte a lo hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Isaiah 61:11

Bang hang hiam cih leh leitung in a dawn meeng sakin, huan in a kituhte a posak mah bangin, Topa PASIAN in minam khempeuh mai-ah thumanna leh phatna po khiasak ding hi.

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Solomon la 8:13

Huan sunga om ka ngaihno aw, ka lawmte in hong ngai dide ahih manin, nangma aw zong, hong zasak dih in. Nungak:

Solomon la 4:16

Saklam huih aw, hong nungsuk in la, khanglam huih aw, hong nungto in. Ka huan sung teng hong namtui sak un. Ka ngaihno, ka huan ah hong paisak un la, a gah limcipente hong ne sak un.

Solomon la 4:12

Ka lawmnu, ka naunu, a ki-umcip huan hi a, a kinei tuam tuinak ahi hi.

Luka 17:6

Topa in, “Note in ankamtang khat cia bang upna nei le-uhteh hih theikung kiangah, ‘Zung tawh kibotkhia-in tuipi sungah na po in,’ na cih uh leh, na thu uh a mang ding hi.”

Marka 4:30

Zeisu in, “Pasian Gam bang tawh ka genteh ding hiam? Bang thugentehna tawh ka lak ding hiam?