Luka 12:57 - Tedim Bible

⁵⁷ “Note in zong bang hangin thu khatpeuh aman hiam, man lo hiam ci-in khen thei lo na hi uh hiam?

Tedim Bible Revision 2017

⁵⁷ Tua ciangin Jesu in, “Bang hangin na gamtat nading uh a manin khen thei lo na hi uh hiam?

Luka 12:57 Referans Kwoze

Johan 7:24

Maitang zahtakna tawh thu na khen kei un; aman takin thu na khen un,” a ci hi.

Thu-hilhkikna 32:29

Amaute pil hi leh, hih thu theitel ding uh a, amau’ thu tawpna mu ding uh hi!

1 KORIN MASA 11:14

Pasal in sam sau a neih leh, zumhuaina ahi ci-in leitung ngeina thu nangawn in hong hilh hilo ahi hiam?

Luka 21:30

A tehno na muh uh ciangin khuakhal a nai zo hi ci-in no na thei uh hi.

Mattiu 21:32

Bang hang hiam cih leh, Johan in thuman lam tawh na kiang uhah hong pai hangin, ama thu na um kei uh hi. Siahdongte leh numei gilote in ama thu a um uh hi. Note in tua thu na muh uh ciangin, Johan’ thu um dingin na kisik kei uh hi,” ci-in a gen hi.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Mattiu 21:21

Zeisu in, “Ke’n aman takpi kong cih-inah, note in um khial loin upna taktak na neih uh leh, hih theikung tungah ka hih bangin na bawl thei uh tham loin, hih mual kiangah, ‘Na omna pan na kinkhia in la, tuipi sungah na kipaai in,’ ci le-uh teh na cih uh mah bangin a piang ding hi.

1 KORIN MASA 11:13

Numei in a mai tuam loin Pasian kiangah thungen leh, a kilawm hiam kilawm lo hiam ci-in na khen ta un.