Luka 12:56 - Tedim Bible

⁵⁶ Mi simtatte aw, note in van leh lei maitang na khen thei uh hi. Tu lai tak hun bang hangin khen thei lo na hi uh hiam?”

Tedim Bible Revision 2017

⁵⁶ No a kineihkhem mite aw, vanlelei na et uh ciangin a piang ding thu thei na hih uh leh, tu hun thute bang hangin theithei lo na hi uh hiam?” a ci hi.

Luka 12:56 Referans Kwoze

Mattiu 16:3

Zingsang ciangin, ‘Khua nim a, van vom ahih ciangin, tu ni-in huih nung a, guah hong zu ding hi,’ na ci thei uh hi. Note in van maitang na khen theih uh hangin, leitung hunte a lim na khen thei kei uh hi.

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

1 KHANG TANGTHU MASATE 12:32

Issakhar sung panin Israel in bang a sep dingin kilawm cih a thei, hun pai zia a thei ukpi zanih leh amau’ ukna nuai-ah a om amau’ behte khempeuh ahi hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.