Luka 12:48 - Tedim Bible

⁴⁸ A topa’ deihna thei lo a, sat nading a kilawm a gamta nasempa in tawmno satna a thuak ding hi. Hehpihna tampi a ngahte tung panin tampi kingen ding hi. Amaute in mi khatpeuh mah tampi a piak leh, tua mi kiang pan na tampi a ngen kik ding uh hi.”

Tedim Bible Revision 2017

⁴⁸ Ahi zongin a topaʼ deihna a theih lohna hangin sat thuak nading a gamta kha nasem pa pen kidam sat zaw deuh ding hi. Tampi a kipiakna pa tung pan tampi kikal dinga, a tam zaw a ki-apna pa tung pan a tam zaw kikal ding hi,” ci-in a dawng hi.

Luka 12:48 Referans Kwoze

Jeim 3:1

Ka u ka naute aw, Sia a sem kote in a khauhzaw thukhenna thuak ding ka hih manun note a tampi Sia suah ding na sawm kei un. Bang hang hiam na cih uh leh eite in thudotna i thuak zaw ding hi ci-in na thei ta un.

Siampi Laibu 5:17

“Mi khatpeuh peuh in hih lo ding ci-in Topa’ thupiakte khatpeuh peuh hihin a khialh leh, a theih lohna hang hita leh zong, amah a mawh hi veve-in ama mawhna mah pua ding hi.

Johan 15:22

Kei hong pai loin amau kiangah thu hilh lo hi leng, amaute in mawhna a nei kei ding uh hi. Tu-in ahih leh, amau mawhna pan suahtak theih nading a nei kei uh hi.

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

1 TIMOTI MASA 1:11

Tua bang i cih ciangin thupha a ngah a vanglian Pasian in kei hong kepsak Lungdamna Thu tawh a kituak hi.

Luka 16:2

A topa in sumkempa sam a, ‘Nang thu ka zak teng bangci thu ahi hiam? Na sumkep ciamtehna lai hong pia in. Bang hang hiam na cih leh, sumkep na nasem nawn kei ding hi,’ a ci hi.

1 TIMOTI MASA 6:20

Timoti aw, nang hong kipia na, a pha takpi-in kem in. Nate’ thu pilna hi ci a, kiphuak khial, pilna thu tawh kipawl hi lo a, mawkna kamte, nate’ pilna khamna kinialnate na pel in.

Gamlak-vakna 15:27

“Theih lohna hangin mi khat a khialh leh, khialna hanga biak nadingin kum khat a pha keel a nu khat pia ding hi.

Thu-hilhkikna 25:2

a mawhpa satna thuak dinga kilawm ahih leh, thukhenpa in amah lumsuk sakin a khialhna zahin ama muhin sat sak ding hi.

Luka 12:41

Piter in, “Topa aw, hih thugentehna ko bek hong hilh na hi hiam? Ahih kei leh, mi khempeuh na hilh hiam?” ci-in a dong hi.

Luka 12:49

“Leitungah mei kuangsak dingin hong pai ka hi hi. Tua mei tu-in kihal leh, bang ka deih lai ding hiam?

Mattiu 23:14

“A simtat laitheite leh Farisaite aw, meigongte’ neihsa teng na nektumsak uh a, kineihna tawh saupipi thu na ngen uh hi. Tua ahih ciangin thukhenna lauhuaizaw na thuak ding uh hi.