Luka 12:47 - Tedim Bible

⁴⁷ “Nasempa in ama topa’ deihna thei napi-in kiging khol lo a, a topa’ deihna bangin na sem kei leh, nakpi satna a thuak ding hi.

Tedim Bible Revision 2017

⁴⁷ A topaʼ deihna thei napi-in a topaʼ deih bangin a gamta nuam lo nasem pa pen nakpi takin kisat ding hi.

Luka 12:47 Referans Kwoze

Jeim 4:17

Tua ahih ciangin gamtatna hoih thei napi-in a gamta lo mi tungah mawhna a om hi.

Johan 9:41

Zeisu in, “Note mittaw na hih uh leh, mawhna na nei kei ding uh hi. Ahih hangin ‘Khua ka mu uh hi,’ ci na hih uh ciangin na mawhna uh a om lai hi,” ci-in a gen hi.

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Ezekiel 9:6

Puteek, nungak tangval, numei naupang dong takin va that un la, ahi zongin a taltangah ciamtehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sunga ding Israel makaite, kipatna in nei pah uh hi.

Luka 12:41

Piter in, “Topa aw, hih thugentehna ko bek hong hilh na hi hiam? Ahih kei leh, mi khempeuh na hilh hiam?” ci-in a dong hi.

Luka 12:46

a lamet loh ni leh a theih loh kalin a topa hong tung ding a, tua nasempa vua-in, a diktat lote tawh a omkhawm sak ding hi.”