Luka 12:42 - Tedim Bible

⁴² Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Tedim Bible Revision 2017

⁴² Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Luka 12:42 Referans Kwoze

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

1 TIMOTI MASA 5:17

Pawlpi a pha takpi-a ukte, a man takpi ci leeng Pasian’ thu gen a, thuhilhin a hahkatte in, a zah nih zahtakna ngah ding a kilawm na ciamteh in.

1 PETER MASA 4:10

Note in hehpihna letsong na ngah ciat uh mah bangin Pasian’ hehpihna thupha atuamtuam a keem mi phate bangin, khat leh khat na kihawm un.

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Mattiu 20:8

Nitak ciangin, leenggah lo neipa in, ‘Nasemte samin a tum nunungpen pan a kipanin, a tum masate dongin thaman na pia in,’ ci-in, sumkeempa kiangah thu a pia hi.

Ezekiel 34:3

Tuu nawi ne-in, tuumul silhin, tuu thaute goin a sa na ne uh a, ahi zongin tuute na vak kei uh hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Hebru 3:5

Moses in a nung ciangin a kigen ding nate-ah teci pang dingin nasem hi a, innpi sung khempeuh ah a diktat hi.

Luka 7:13

Zeisu in tua numei a muh ciangin hehpihhuaisa a, “Kap kei in,” a ci hi.

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Paunak 27:18

Theikung a cingpa in a gah ne a, a topa a kempa in pahtakna ngah hi.

Paunak 31:15

Phalvak tungin ziingtho a, an nek ding teng lim takin bawlin, a nasem numeite’ sep ding teng vaihawmsak hi.

Luka 7:19

Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.

Luka 12:43

A topa hong ciah ciangin, tua banga gamta-a a om a muh nasempa in thupha a ngah ding hi.

Paikhiatna 36:4

biakinn nasep a namkim a sem mi khempeuh amau’ nasepna ciat panun hong pai uh a,

Paunak 12:8

Mipilte kiphatin kipahtawi a, mihaite kineu-et hi.