Luka 12:4 - Tedim Bible

⁴ “Ka lawmte aw, note kong hilh-inah, pumpi a thah khit cianga bangmah ahih zo lo nate kihta kei un.

Tedim Bible Revision 2017

⁴ “Lawmte aw, note kiangah kong genin ah, pumpi a thah khit ciangin a sia zaw a hih thei nawn lote na kihta kei un.

Luka 12:4 Referans Kwoze

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Filippi 1:28

Tua bangin galte hangah lau lohna in amaute’ adingin kisiat nading lim ahi hi; note’ adingin ahih leh, Pasian’ vaihawmna bangin gupna lim ahi hi.

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.

Jeim 2:23

‘Abraham in Pasian um a, ama upna in amah adingin dikna-in kiciamteh hi,’ ci-in a genna a kicing tham loin, ‘Pasian’ lawmpa,’ hi,’ cihna zong a ngah hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Isaiah 41:8

Ahih hangin, nang, ka nasempa Israel, ka lawmpa Abraham’ suan leh khak, kong teelsa Jakob aw,

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Solomon la 5:16

A kampaute, khum zungzung a, a vekpi-in, deih loh ding, khat zong om lo hi. Ka ngaihno, hih bang teng hi. Jerusalem nungakte aw.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.

Johan 15:13

Ama lawmte tangding a nuntakna a paai itna sangin, itna lianzaw kuamah in a nei kei hi.